កំពង់ស្ពឺ ៖ លោក ជា ហ៊ាន ដែលជាឪពុករបស់យុវជនម្នាក់ដែលបានស្លាប់ក្នុងករណីគ្រោះថ្នាក់ចរាចរមួយ បានលើកឡើងថា ពិតជាអសមត្ថភាពណាស់ គេបុកកូនស្លាប់ហើយម៉ូតូដែលតុលាការសំរេចអោយហើយយកមកវិញមិន បានទៅជួបសមត្ថកិច្ចម្តងៗដូចទៅសុំទានគេចឹង ខ្ញុំសុខចិត្តចោលម៉ូតូ០១៨ហ្នឹងចុះ កុំអោយសមត្ថកិច្ចលំបាកដោយសារយើង យកពេលវេលាអូសរទេះដឹកទឹកលក់យកលុយចិញ្ចឹមក្រពះវិញ។
ពាក់ព័ន្ធករណីខាងលើនេះ នៅថ្ងៃទី៨មេសានេះ ស្នងការដ្ឋាននគរបាលខេត្តកំពង់ស្ពឺ សូមធ្វើការបំភ្លឺជូនសា ធារណៈជន និងអ្នកនិយមបណ្ដាញសង្គម face book ទាំងអស់មេត្តាជ្រាប ក្រោយហេតុការណ៍មានករណីគ្រោះថ្នាក់ចរាចរណ៍រវាងម៉ូតូនិងម៉ូតូនៅលើកំណាត់ផ្លូវជាតិលេខ៤ កាលពីថៃ្ងទី០៤.១២.២០១៨ KM៤១~៤២ភូមិចំបក់ ឃុំវល្លិសរ ស្រុកសំរោងទង បណ្ដាលឲ្យអ្នកបើកបរម៉ូតូ ម៉ាក ហុងដាសេ ១២៥ សេរី ២០១៨ ពណ៌ខ្មៅ ស្លាកលេខកំពង់ស្ពឺ 1L.6918ឈ្មោះយី សុភាន់ ភេទប្រុស អា យុ ១៨ឆ្នាំ នៅភូមិរំលោងប្រភ្លះ សង្កាត់សុព័រទេព ក្រុងច្បារមន ស្លាប់ពេលបញ្ជូនទៅមន្ទីរពេទ្យ។
ក្រោយកិច្ចសម្របសម្រួលគ្នារវាងដើមបណ្ដឹងនិងអ្នក បង្កបានព្រមព្រៀងគ្នាទទួលសំណងរដ្ឋប្បវេណីបញ្ចប់រឿងនិងយល់ព្រមដកពាក្យបណ្ដឹងចៅក្រមបានចេញដីកាបង្គាប់ក្រោយពីភាគីរងគ្រោះបានដាក់ពាក្យស្នើសុំម៉ូតូដើម្បីយកទៅប្រើប្រាស់បណ្ដោះអាសន្ន រង់ចាំសំរេចអង្គសេចក្ដីចប់ជាស្ថារព ភាគីរងក្រោយបានដីកាស្រាប់តែកាន់យកមកប្រគល់ជូននគរបាលតែម្ដង ជំនាញបានណែនាំថាត្រូវតែបោះត្រារដ្ឋបាលដើម្បីពិនិត្យថា វត្ថតាងនោះបានបញ្ជូនទៅតុលាការឬរក្សាទុកនៅកន្លែងណា?”ការពិតដីកាត្រូវមានដីកាអមបញ្ជូនមករដ្ឋបាលត្រង់”ភាគីរងគ្រោះមិនបានទៅតាមការណែនាំនោះទេគឺបាត់មិនឃើញមកវិញរហូតក្រោយមកស្រាប់តែមានព័ត៌មានថាជនរងគ្រោះមានដីកាតុលាការហើយបែរជានគរបាលមិនព្រមអោយវត្ថុតាង ក្នុងនាមស្នងការដ្ឋាននគរបាលខេត្ដ សូមបញ្ជាក់ថាពាក់ព័ន្ធចំណុចនេះនគរបាលមិនដែលតឹងតែងក្នុងប្រគល់វត្ថុតាងឲ្យទៅជនរងគ្រោះ ឬជនបង្កឡើយ ប៉ុន្តែការបញ្ជូនសំណុំរឿងគ្រោះថ្នាក់ចរាចរណ៍ ភាគច្រើនគឺវត្ថុតាងរក្សាទុកនៅច្រើនកន្លែង ពេលខ្លះនៅសាលាដំបូងខេត្ដ ខ្លះទៀតក៏មានផ្ញើទុកនៅទីតាំងនគរបាលផងដែរ ដូច្នេះត្រូវតែធ្វើអោយច្បាស់លាស់និងតាមនីតិវិធីគឺល្អ តាមរយៈព័ត៌មានក្នុងបណ្តាញសង្គមថានគរបាលតឹងតែងនោះគឺមិនពិតនោះទេ សូមសាធារណៈជនមេត្តាយល់និងជ្រាបជាព័ត៌មាន។
ជាក់ស្ដែងដីកាបង្គាប់អោយប្រគល់វត្ថុតាងម៉ូតូជូនភាគីរងគ្រោះគឺមិនបានបញ្ជាក់ច្បាស់ថានៅស្នងការដ្ឋានឬអធិការដ្ឋានក្រុង.ស្រុកនោះទេគឺបង្គាប់មកសមត្ថកិច្ចប្រគល់ជាបណ្ដោះអាសន្ននូវវត្ថុតាង ប៉ុន្តែភាគីរងគ្រោះយល់ថាបែបបទច្រើនទើបមិនព្រមអនុវត្ដនីតិវិធី នគរបាលក៏មានការយល់ដល់អារម្មណ៍ក្រុមគ្រួសាររងគ្រោះផងដែរនៅការបាត់បង់សមាជិកគ្រួសារជាទីស្រលាញ់ ប៉ុន្ដែក៏មិនអាចថាខុសនោះដែរ ដូច្នេះសូមការយោគយល់និងព្យាយាមអនុវត្ដអោយត្រូវតាមនីតិវិធីជៀសវាងកំហុសធ្លាក់ទៅលើសមត្ថកិច្ច នៅថៃ្ងស្អែកនេះម៉ូតូជាវត្ថុតាងនិងត្រូវបានប្រគល់ជូនភាគីរងគ្រោះ។
ចំណែកលោកប៉ាន់ ខែមប៊ុនថន ប្រកាសស្វែងរកម្ចាស់ Facebook ឈ្មោ ជា ហ៊ាន the Facebook មួយនេះជាបន្ទាន់ បន្ទាប់ពីម្ចាស់ Facebookមួយនេះរងភាពអយុត្តិធម៌។ ដោយលោកបានសរសេរសារបង្ហោះថា “ខ្ញុំមានបំណងចង់ជួបបន្ទាន់បំផុតចំពោះ លោកពូ ជា ហ៊ាន the Facebookមួយនេះ បងប្អូនខាងកំពង់ស្ពឺជួយស្រាវជ្រាវផង បើបានដំណឹងជួយខលខ្ញុំដោយអនុគ្រោះតាមលេខទូរសព្ទ័ 012504222 រឺ010504222 សូមអរគុណ”។
គួរបញ្ជាក់ថា កាលពីថ្ងៃទី៤ ខែធ្នូ ឆ្នាំ២០១៨ វេលាម៉ោងប្រហែលជិត ៧យប់ មានករណីគ្រោះថ្នាក់ចរាចរណ៍មួយ បណ្ដាលមកពីឈ្មោះ ឌិង ស៊ុងពីង បើកបរឆ្លងផ្លូវមិនប្រយ័ត្ន ក៏ជ្រុលទៅបុកម៉ូតូរបស់ឈ្មោះ យី សុភាន់ បណ្ដាលឱ្យស្លាប់បាត់បង់ជីវិតនៅចំណុចភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ។ សមត្ថកិច្ចបានកសាងសំណុំរឿងបញ្ជូនមកទៅតុលាការ ដោយដកហូតមួយគ្រឿងម៉ាក ZoomerX ជារបស់ជនជាតិចិន ដែលជាជនបង្កក្នុងគ្រោះថ្នាក់ខាងលើ និងម៉ូតូមួយគ្រឿងទៀតម៉ាកហុងដា C125 ជារបស់ជនរងគ្រោះ។
បើតាមឈ្មោះ ឌីង ស៊ុងពីង បានបញ្ជាក់ថា នៅថ្ងៃកើតហេតុ ខ្លួនបានធ្វើដំណើរតាមផ្លូវជាតិ ទិញឥវ៉ាន់នៅផ្សារចំបក់។ ពេលត្រលប់មកវិញ ក៏បានបើកកូតហ្វា និងបើកភ្លើងស៊ីញ៉ូឆ្វេងដើម្បីបត់ ដោយមិនបានឃើញម៉ូតូផ្សេងឡើយ។ ប៉ុន្តែនៅពេលឆ្លងមិនទាន់ផុតទ្រូងផ្លូវផង ស្រាប់តែមានម៉ូតូមួយគ្រឿងទៀតបើកដោយល្បឿនលឿនមកបុកជាមួយគ្នាពេញទំហឹង បណ្ដាលឱ្យម្ចាស់ម៉ូតូនោះបាត់បង់ជីវិត។
ក្រោយពីធ្វើបុណ្យសពចប់សព្វគ្រប់ ឪពុករបស់ជនរងគ្រោះដែលមានឈ្មោះ ជា ហ៊ាន បានស្នើសុំយកម៉ូតូត្រលប់មកផ្ទះវិញ ព្រោះវាជាកេរមរតករបស់កូន ស្រលាញ់ខ្លាំងតាំងពីនៅរស់។ តុលាការក៏បានយល់ព្រមតាមការស្នើសុំ ដោយអនុញ្ញាតឱ្យលោក ជា ហ៊ាន ជាដើមបណ្ដឹងរដ្ឋប្បវេណី យកម៉ូតូត្រលប់ទៅវិញ ហើយការសម្រេចនោះធ្វើឡើងដោយចៅក្រមស៊ើបសួរតាំងពីថ្ងៃទី១៣ ខែមីនា ឆ្នាំ២០១៩។
បើតាមដីកាសម្រេចនោះ បានបញ្ជាក់ថា ភាគីទាំងសងខាង បានព្រមព្រៀងលើសំណងរួចអស់ទៅហើយ។ ចំណែកដើមបណ្ដឹងដែលមានលោក ជា ហ៊ាន ជាឪពុក ក៏បានដកពាក្យបណ្ដឹងទាមទារសំណងទៀតដែរ។ ដូចនេះហើយ ទើបចៅក្រមស៊ើបសួរ សម្រេចប្រគល់ម៉ូតូដល់ជនរងគ្រោះដើម្បីយកទៅប្រើប្រាស់ជាបណ្ដោះអាសន្ន តែហាមលក់ដូរ រហូតដល់តុលាការសម្រេចដល់អង្គសេចក្ដីជាស្ថាពរ។ ប៉ុន្តែរហូតមកដល់ថ្ងៃទី៨ ខែមេសា នៅតែមិនអាចយកម៉ូតូមកវិញបាន ព្រោះតែសមត្ថកិច្ចហាក់មិនអើពើសោះ៕ ដោយ៖កូឡាប
