មនុស្សយ៉ាងហោចណាស់ចំនួន ២នាក់បានស្លាប់ បន្ទាប់ពីមានអគ្គិភ័យបានឆាបឆេះចេញពីអាគារផ្សារទំនើបមួយខ្នងក្នុងទីក្រុងបាងកក កាលពីល្ងាចថ្ងៃពុធម្សិលមិញនេះ។
បើតាមសេចក្តីរាយការណ៍បានឲ្យដឹងថា ភ្លើងចាប់ផ្តើមឆេះចេញពីជាន់ទី ៨ នៃអាគារ នៅម៉ោងជិត ៦ល្ងាច ម៉ោងនៅបាងកក។
ក្នុងចំណោមអ្នកស្លាប់ មានម្នាក់បានធ្លាក់ពីលើអាគារតែម្តង។ នេះបើតាមការបញ្ជាក់របស់សាក្សី។
ក្នុងហេតុការណ៍ដែលមានរយៈពេលជាង ៣០នាទីនោះ ក៏បណ្តាលឲ្យមនុស្សយ៉ាងតិចណាស់ចំនួន ១៧នាក់រងរបួសផងដែរ។
គេពុំទាន់ដឹងច្បាស់មូលហេតុដែលបណ្តាលឲ្យមានអគ្គិភ័យឡើយ។
អភិបាលក្រុងបាងកក លោក Aswin Kwanmuang បានថ្លែងក្នុងសន្និសិទកាលពីយប់ថ្ងៃកើតហេតុណ៍ថា ការស៊ើបអង្កេតនឹងចាប់ផ្តើមនៅថ្ងៃព្រហស្បតិ៍នេះ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
