ភ្នំពេញ ៖ បន្ទាប់ពីមានរូបភាពរថយន្តតាក់ស៊ីដឹកជញ្ជួនបងប្អូនប្រជាពលរដ្ឋជាពិសេសការដឹកជញ្ជូនឥវ៉ាន្រ់ ក៏ដូចជាម៉ូតូសំពីងសំពោងូ លើរថយន្តតាក់ស៊ី នៅក្រសួងសាធារណការនិងដឹកជញ្ជន បានចេញសេចក្តីអំពាវនាវ ស្តីពីការបង្ការនិងទប់ស្កាត់គ្រោះថ្នាក់ចរាចរផ្លូវគោក ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំកុរ ឯកស័ក ព.ស២៥៦៣ ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០១៩។
គណៈកម្មការសុវត្ថិភាពចរាចរណ៍ជើងគោកបានចេញសេចក្តីអំពាវនាវអ្នកប្រើប្រាស់ផ្លូវដ៏ច្រើនលើសលប់ដែលមានឆន្ទៈក្នុងការចូលរួមគោរពនិងអនុវត្តន៍ច្បាប់ចរាចរណ៍ផ្លូវគោកយ៉ាងផុលផុសក្នុងពេលធ្វើចរាចរណ៍រួមចំណែកក្នុងការកាត់បន្ថយការបាត់បង់ជីវិតរងរបួសនិងការខូចខាតទ្រព្យសម្បត្តិដល់គ្រោះថ្នាក់ចរាចរណ៍ផ្លូវគោក។ ប៉ុន្តែគ្រោះថ្នាក់ចរាចរណ៍ផ្លូវគោកនៅតែមានជាបញ្ហាប្រឈមចំពោះមុខនិងយូរអង្វែងដែលអាចកើតឡើងភ្លាមៗក្នុងករណីអ្នកប្រើប្រាស់ផ្លូវមានការធ្វេសប្រហែសឬជាមិនគោរពច្បាប់។ គណៈកម្មការជាតិសុវត្ថិភាពចរាចរណ៍ផ្លូវគោកសង្ឃឹមនិងជឿជាក់លើស្មារតីចូលរួមអនុវត្តច្បាប់ក៏ដូចជាអនុវត្តសេចក្តី អំពាវនាវពីសំណាក់អ្នកប្រើប្រាស់ផ្លូវគ្រប់រូបដើម្បីនាំមកនូវសុវត្ថិភាពនិងសេចក្តី រីករាយជាមួយក្រុមគ្រួសារក្នុងឱកាសពិធីបុណ្យចូលឆ្នាំថ្មីនេះ។
ដើម្បីបង្កើននិងទប់ស្កាត់គ្រោះថ្នាក់ចរាចរណ៍ផ្លូវគោកក្នុងឱកាសពិធីបុណ្យចូលឆ្នាំថ្មីនេះសូមធ្វើការអំពាវនាវដល់សាធារណជនអ្នកប្រើប្រាស់ផ្លូវត្រូវត្រួតពិនិត្យលក្ខណៈបច្ចេកទេសយានយន្តជានិច្ចពិសេសត្រួតពិនិត្យកង់ចង្កូតហ្វ្រាំងភ្លើងបំភ្លឺសូមកុំទុកអ្នកដំណើរឬទំនិញលើសច្បាប់កំណត់ចំពោះរថយន្តដឹកអ្នកដំណើរដឹកកម្មករមិនត្រូវទុកអ្នកតំណាងឬកម្មករនៅលើដំបូលនិងសូមមេត្តាកុំដំឡើងថ្លៃធ្វើដំណើរក្នុងឱកាសនេះត្រូវគោរពសិទ្ធិអាទិភាពគោរពសញ្ញាចរាចរណ៍និងប្រកាន់ស្ដាំជានិច្ចមិនត្រូវបើកបរលើសល្បឿនកំណត់ជាដាច់ខាតមិនត្រូវបើកបរក្រោមឥទ្ធិពលនៃគ្រឿងស្រវឹងជាដាច់ខាតមិនត្រូវបទឬវ៉ាជែងក្នុងភាពប្រថុយប្រថានឬធ្វេសប្រហែសមិនត្រូវបើកបរក្នុងស្ថានភាពងងុយដេកជាដាច់ខាតនិងត្រូវមានអ្នកបើកបរបម្រុងសម្រាប់ប្ដូរវេនត្រូវបើកបរក្នុងស្មារតីប្រុងប្រយ័ត្នជានិច្ចប្រកបដោយសីលធម៌យោគយល់អធ្យាស្រ័យ ៕ ដោយ ៖ កូឡាប