ប្រធានាធិបតីរុស្ស៊ី ចាត់ទុកថា សន្តិសុខជាតិថ្មីរបស់អាមេរិក គឺដូច “កម្រោលចូល” ហើយក្រុងមូស្គូ នឹងថ្លឹងថ្លែងអំពីយុទ្ធសាស្ត្រនេះរបស់អាមេរិក។
នោះគឺជាប្រសាសន៍របស់លោក Putin នៅក្នុងអង្គប្រជុំមួយរបស់ក្រសួងការពារជាតិរុស្ស៊ី កាលពីថ្ងៃទី ២២/១២ ពោលគឺប៉ុន្មានថ្ងៃក្រោយពេលដែលអាមេរិកប្រកាសពីសន្តិសុខជាតិថ្មី។
RT ដកស្រង់សម្តីរបស់ពូទីន និយាយពីយុទ្ធសាស្ត្រថ្មីរបស់អាមេរិកថា “ប្រសិនបើនិយាយតាមបែបការទូត យុទ្ធសាស្ត្រនេះមានចរិករំលោភបំពាន ហើយប្រសិនបើនិយាយតាមភាសាយោធា នោះវាជាយុទ្ធសាស្ត្រមួយដូចកម្រោលចូល។ លោកថ្លែងបន្តថា “អាមេរិកបច្ចុប្បន្នបានដាក់ពង្រាយប្រព័ន្ធការពារកាំជ្រួចនៅប៉ូឡូញ ហើយលើកឡើងថា ដើម្បីរាំងស្កាត់គ្រោះគំរាមកំហែង។ ប្រការដែលគួរនិយាយនោះ គឺអ្នកជំនាញការណាក៏ដោយក៏អាចនិយាយយ៉ាងច្បាស់ថា ទម្រកាំជ្រួចទាំងនោះសំដៅគោលដៅជាច្រើន វាប្រើប្រាស់សម្រាប់បាញ់បង្ហោះកាំជ្រួចមានកម្មវិធីនាំផ្លូវដែលមានរយៈចម្ងាយរហូត ២.៥០០គីឡូម៉ែត្រ ពីផ្ទៃសមុទ្រ។ ក្នុងករណីបែបនេះ កាំជ្រួចទាំងនោះពុំត្រឹមតែបាញ់បង្ហោះលើផ្ទៃសមុទ្រទេ តែវាងាយចលនាចូលក្នុងដែនគោក”។
នេះគឺជាការថ្លែងសារដំបូងរបស់ប្រធានាធិបតីរុស្ស៊ី គិតចាប់ពីអាមេរិកប្រកាសពីយុទ្ធសាស្ត្រសន្តិសុខជាតិថ្មីរបស់ខ្លួនកាលពីដើមសប្តាហ៍នេះ។ តាមនោះយុទ្ធសាស្ត្រនេះចាត់ទុករុស្ស៊ី ចិនគឺជា “មហាអំណាចបដិបក្ស” ដែលរាំងស្កាត់ឥទ្ធិពលរបស់អាមេរិក។
មុននោះអ្នកនាំពាក្យវិមានKremlin, Dmitry Peskov និយាយថា យុទ្ធសាស្ត្រសន្តិសុខជាតិថ្មីរបស់អាមេរិក បានស្តែងឡើងអត្តចរិកចក្រព័ត្តិ៕ សូយន
