ខេត្តព្រះសីហនុ ៖ ព្រឹកថ្ងៃទី១៣ ខែមេសា ឆ្នាំ២០១៩ ថ្មីៗ នេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានចាត់ឲ្យសមត្ថកិច្ចនគរបាលចរាចរណ៍ផ្លូវគោក ដឹកនាំដោយលោកវរសេនីយ៍ឯក ព្រហ្ម ពៅ នាយការិយាល័យនគរបាលចរាចរណ៍ផ្លូវគោក ចុះអនុវត្តច្បាប់ចរាចរណ៍តាមផ្លូវលេខ៤ ដើម្បីផ្សព្វផ្សាយច្បាប់ស្តីពីចរាចរណ៍ផ្លូវគោក ត្រួតពិនិត្យមើលប័ណ្ណបើកបរ ត្រួតពិនិត្យលក្ខណៈបច្ចេកទេសយានយន្ត ហាមឃាត់មិនឲ្យដឹកសំពីងសំពោង ដឹកលើសកំណត់ ណែនាំឲ្យមានការប្រុងប្រយ័ត្ន កុំបើកបរលើសល្បឿនកំណត់ គោរពសិទ្ធិគ្នាទៅវិញទៅមក កុំវ៉ាជែងក្នុងស្ថានភាពគ្រោះថ្នាក់ ឬកុំបើកបរក្នុងស្ថានភាពស្រវឹង ឬ ប្រើប្រាស់គ្រឿងញៀន និងមិនត្រូវតម្លើងថ្លៃឈ្នួលក្នុងរដូវបុណ្យចូលឆ្នាំថ្មីប្រពៃណីជាតិខ្មែរឡើយ។
ដោយបានណែនាំផ្ទាល់ដល់អ្នកបើកបរ ចំនួន៤៩នាក់ ឲ្យចូលរួមគោរពច្បាប់ចរាចរណ៍ ដើម្បីទប់ស្កាត់កាត់បន្ថយគ្រោះថ្នាក់ចរាចរណ៍ តាមដងផ្លូវ៕ ដោយ ៖ បញ្ញាស័ក្តិ
