ខេត្តកំពង់ស្ពឺ ៖ ព្រះសង្ឃ ០២អង្គ បានសុគត និងយុវជន ០១នាក់ទៀត បានស្លាប់បាត់បង់ជីវិត ព្រមទាំង សត្វគោ ០១ក្បាល ក្នុងឧបទ្ទេវហេតុ គ្រោះថ្នាក់ចរាចរណ៍ ដ៍រន្ធត់ នៅស្រុកសំរោងទង ។
នៅវេលាម៉ោង ៣:២៥នាទីល្ងាចថ្ងៃសៅរ៍ ទី១៣ ខែ មេសាឆ្នាំ២០១៩ មានករណីគ្រោះថ្នាក់ចរាចរណ៍ ដ៍រន្ធត់មួយកើតឡើងនៅលើផ្លូវជាតិលេខ ៤ ចន្លោះគីឡូម៉ែត្រលេខ ៣៨-៣៩ ស្ថិតក្នុងភូមិស្លា ឃុំវល្លិសរ ស្រុកសំរោងទង ខេត្តកំពង់ស្ពឺ។ ករណីគ្រោះថ្នាក់ចរាចរ ដ៏រន្ធត់ យុវជន ០១នាក់ ជិះម៉ូតូឌុប ព្រះសង្ឃ ០២អង្គ មិនប្រយ័ត្ន បានបុកសត្វគោ ដែលកំពុងឆ្លងផ្លូវ បណ្តាឲ្យដួលម៉ូតូ ស្របពេលនោះ ក៍មានរថយន្តដឹកប្រេង របស់ក្រុមហ៊ុនតេលាមកដល់ ក៍បានកិនជនរងគ្រោះ ទាំង០៣នាក់ បណ្តាលឲ្យព្រះសង្ឃ ០២អង្គ សុគត និងយុវជន ០១នាក់ទៀត បានស្លាប់បាត់បង់ជីវិត ព្រមទាំងគោ ០១ក្បាល។
យុវជនរងគ្រោះទី១ មានឈ្មោះ ទូច កុយ អាយុ១៨ឆ្នាំ រស់នៅភូមិអង្គទន្លាប់ ឃុំសំរោងទង ស្រុកសំរោងទង ខេត្តកំពង់ស្ពឺ (ស្លាប់)។ ព្រះសង្ឃរងគ្រោះទី២ មានឈ្មោះ អៀង បញ្ញា អាយុ១៧ឆ្នាំ គង់នៅវត្តអង្គទន្លាប់ (សុគត) ។ព្រះសង្ឃរងគ្រោះទី៣ មានឈ្មោះ ម៉ៅ រិទ្ធិកា អាយុ១៦ឆ្នាំ គង់នៅវត្តអង្គទន្លាប់ (សុគត)។
តាមប្រភពពីកន្លែងកើតហេតុបានអោយដឹងថា យុវជនម្នាក់ជិះម៉ូតូឌុប ព្រះសង្ឃ ០២អង្គ ក្នុងល្បឿនលឿនមិនប្រយ័ត្ន បានជ្រុលចង្កូតទៅបុកសត្វគោ ដែលកំពុងឆ្លងផ្លូវ បណ្តាឲ្យដួលម៉ូតូ ខណៈពេលនោះ ក៍មានរថយន្តដឹកប្រេងក្រុមហ៊ុនតេលា មកដល់ ជាន់ហ្វ្រាំងមិនទាន់ ក៍កិនជនរងគ្រោទាំង០៣នាក់ បណ្តាលឲ្យព្រះសង្ឃ ០២អង្គ សុគត៌ និងយុវជនម្នាក់ ដែលជាអ្នកបើកម៉ូតូ បានស្លាប់បាត់បង់ជីវិត ព្រមទាំង ងាប់គោ១ក្បាលថែមទៀត តៃកុងឡានភយ័រត់គេចខ្លួនបាត់តេម្តងតង ។
សមត្ថកិច្ចបានលើកឡើងថា ម៉ូតូរងគ្រោះម៉ាកC125 ព័ណ៌ខ្មៅ សេរីឆ្នាំ ២០១៤ ពាក់ផ្លាកលេខកំពង់ស្ពឺ1G-1686។
បច្ចុប្បន្នសាកសពត្រូវបានប្រគល់ជូនក្រុមគ្រួសារ និងគណៈកម្មការវត្ដ ទទួលទទួលយកធ្វេីបុណ្យ រីឯវត្ថុតាងយកមករក្សាទុកបណ្ដោះអាសន្ននៅ អធិការដ្ឋាននគរបាលស្រុកសំរោងទង រង់ចាំចំណាត់ការតាមនីតិវិធីច្បាប់៕ ដោយ ៖ កូឡាប
