ព្រៃវែង៖ នគរបាលស្រុកស្វាយអន្ទរ បានឲ្យដឹងថា ថ្ងៃទី១២ មេសា ២០១៩វេលាម៉ោងប្រហែល ៩:១៥នាទីនៅចំនុចវត្តហាបូរ ឃុំមេបុណ្យ ស្រុកស្វាយអន្ទរ មានករណីឃាតកម្ម១លើក ដែលបង្កឡើងដោយបុរសម្នាក់មានទំនាស់ជាមួយគូភាគី ហើយបានកាប់បុរសម្នាក់ ឲ្យរបួសធ្ងន់ ហើយបញ្ជូនទៅដល់សង្គ្រោះ នៅមន្ទីរពេទ្យ ប៉ុន្តដោយសាររបួសធ្ងន់ធ្ងរ ក្បាលពេកក៏បានស្លាប់។
នគរបាលមូលដ្ឋានបានឲ្យដឹងថា អំពើហិង្សាកាប់គ្នានេះ បង្កដោយឈ្មោះ កល់ ធី ភេទប្រុសអាយុ២៦ឆ្នាំនៅភូមិហាបូ ឃុំមេបុណ្យ ស្រុកស្វាយអន្ទរ ខេត្តព្រៃវែង បានកាប់ឈ្មោះ ទ្រា ហ៊ា ភេទប្រុស អាយុ២៧ឆ្នាំ នៅភូមិឃុំជាមួយគ្នា ត្រូវចំក្បាលចំនួន២កាំបិត បណ្តាលអោយដួលសន្លប់នៅកន្លែង ហើយត្រូវបានបញ្ជូនទៅមន្ទីពទ្យបង្អែកស្វាយអន្ទរ ពេលទៅដល់មន្ទីពេទ្យដាច់ខ្យល់ស្លាប់តែម្តង។ បន្ទាប់ពីបង្កហេតុហេតុជនសង្ស័យបានរត់គេចខ្លួនបាត់ ខណៈសមត្ថកិច្ចកំពុងស្រាវជ្រាវតាមចាប់ជនសង្ស័យ យកមកផ្តន្ទាទោសតាមច្បាប់៕ ដោយ ៖ បញ្ញាស័ក្តិ