ខេត្តកំពង់ធំ ៖ មន្ទីរព័ត៌មានខេត្តកំពង់ធំ បានឲ្យដឹងថា មានករណីរថយន្តតូយ៉ូតាវីហ្គោ ពាក់ស្លាកលេខ ខេមរភូមិន្ត ២-០៥០៤ ពន្លះ វិមានឯករាជ្យ ក្នុងក្រុងស្ទឹងសែន ខេត្តកំពង់ធំ ទាំងយប់កាលពីវេលាទៀបភ្លឺឈានចូលថ្ងៃទី១៨ មេសា ២០១៩។
អ្នកបើកបរនៅមិនទាន់ស្គាល់អត្តសញ្ញាណនៅឡើយ។ ជុំវិញករណីនេះ ក៏មានមតិមហាជនដែលបានឃើញហេតុការណ៍នេះ អ្នកខ្លះនិយាយថា សង្ស័យអ្នកបើកបរងងុយដេក។ ចំណែកប្រជាពលរដ្ឋខ្លះទៀតនិយាយថា មកពី វិមានឯករាជ្យ មិនបានដាក់ភ្លើងសញ្ញាចរាចរណ៍ ឲ្យបានត្រឹមត្រូវ ទើបបណ្តាលឲ្យអ្នកបើកបរខ្វះការប្រុងប្រយ័ត្ន ដែលជាហេតុធ្វើឲ្យកើតមានគ្រោះថ្នាក់យ៉ាងដូច្នេះ តែពុំមានគ្រោះថ្នាក់ដល់មនុស្សឡើយ។
នេះជាព័ត៌មានជាបឋម ។
សូមបញ្ជាក់ថា វិមានឯករាជ្យនេះ កំពុងធ្វើការសាងសង់ នៅមុខសណ្ឋាគារអរុណរះ ៕ ដោយ៖កូឡាប
