កំពង់ឆ្នាំង ៖ មន្ទីរព័ត៌មានខេត្តកំពង់ឆ្នាំង បានផ្សព្វផ្សាយថា នៅយប់ថ្ងៃ១៧ ខែមេសា ឆ្នាំ២០១៩ វេលាម៉ោងប្រហែល ១៩និង៣០នាទី មានកេីតអំពើហិង្សា ១លេីក នៅចំនុចមុខផ្ទះឈ្មោះ វង សម្បត្តិ ស្ថិតនៅភូមិសាស្ត្រភូមិពាមពពេជ ឃុំកោះថ្កូវ ស្រុកជលគិរី ខេត្តកំពង់ឆ្នាំង គឺបានវាយគ្នាទៅវិញទៅមក បណ្តាលអោយរបួសទាំងសងខាង។
ដោយក្រុមទី១ មានឈ្មោះ ឌី វិឈុញ អាយុ ២៨ ភេទប្រុស របួសធ្ងន់យកទៅពេទ្យខេត្ត ឌី វិជ័យ ភេទប្រុស អាយុ ២៥ របួសស្រាល ឌិ លីណា ភេទប្រុស អាយុ ២០ឆ្នាំ របួសស្រាល។
ក្រុមទី២ មានឈ្មោះ គ្រឹន បូ រ៉ុង អាយុ ១៧ឆ្នាំ ភេទប្រុស របួសស្រាល យកមកពេទ្យឃុំកោះថ្កូវ គ្រឹន សិលា អាយុ ១៨ ភេទប្រុស របួស ស្រាល គ្រឹន ផាន់ធីយា អាយុ១៩ឆ្នាំ ភេទប្រុស របួសស្រាល ៣នាក់ខាងក្រោមយកមកពេទ្យឃុំ។ សូមបញ្ជាក់អ្នកទាំង៦នេះនៅភូមិកើតហេតុខាងលើទាំងអស់គ្នា មូលហេតុបណ្តាលមកពីការ ផឹកស៊ីទំនាស់ពាក្យសំដី ៕ ដោយ៖កូឡាប
