រាជធានីភ្នំពេញ ៖ ការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ បានកោញហៅមន្ត្រីនគរបាលខណ្ឌដង្កោ៤នាក់ ក្នុងនោះថ្នាក់អធិការរង២នាក់ នៅវេលាម៉ោង៩ ព្រឹកថ្ងៃទី១៨ ខែមេសា ឆ្នាំ២០១៩ នេនេះមក សាកសួរ យោងតាមពាក្យបណ្តឹងរបស់មន្ត្រីជាប់កិច្ចសន្យានៃអង្គភាពប្រឆាំងអំពើពុករលួយ ACU ករណីប្រើហឹង្សា ដោយវៃទាត់ធាក់បណ្តាលអោយរបួសធ្ងន់ធ្ងរ ។
ក្រុមមន្ត្រីនគរបាលខណ្ឌដង្កោទាំងនោះ បាន ព្រួតគ្នាប្រើអំពើហិង្សាយ៉ាងសាហាវព្រៃផ្សៃលើមន្ត្រីជាប់កិច្ចសន្យានៃអង្គភាពប្រឆាំងអំពើពុករលួយ ACU ម្នាក់ បណា្តលឲ្យរងរបួសធ្ងន់ធ្ងរ នៅក្នុងវត្តព្រែកថ្លឹង ស្ថិតនៅភូមិព្រែកថ្លឹង សង្កាត់ព្រែកកំពឹស ខណ្ឌដង្កោ កាលពីយប់ថ្ងៃទី៩ ខែ មេសា ឆ្នាំ២០១៩។
ជនរងគ្រោះឈ្មោះ ឃឹម ខុម ភេទប្រុស អាយុ៦៤ឆ្នាំ រស់នៅភូមិព្រែក រទាំង សង្កាត់ព្រែកកំពឹស ខ័ណ្ឌដង្កោ ជាមន្ត្រីជាប់កិច្ចសន្យានៃអង្គភាពប្រឆាំងអំពើពុករលួយ។
ចំណែកឯក្រុមមន្ត្រីប៉ូលិសដែលព្រួតគ្នតគ្នាប្រើអំពើហិង្សា នេះមានឈ្មោះ-១. លោក វរសេនីយ៍ទោ នាក់ ណារ៉ូ អធិការរងទទួលការងារចរាចរណ៍ខណ្ឌដង្កោ ។ ទី២. លោកវរសេនីយ៍ត្រី ជុំ រដ្ឋា អធិការរងទទួលការងារសណ្ដាប់ធ្នាប់។ ទី៣. លោកអនុសេនីយ៍ទោ ម៉េត រតនា មន្ដ្រីនគរបាលចរាចរណ៍ និងមន្ត្រីប៉ូលិសម្នាក់ផ្សេងទៀត។
នាយឧត្តមសេនីយ៍ នេត សាវឿន អគ្គស្នងការនគរបាលជាតិ ដែលបានដឹងរឿងនេះថ្លែងថា នឹងត្រួតពិនិត្យលើករណីនេះ ហើយបើមានពិតប្រាកដមែន នឹងដាក់វិន័យនគរបាល ឬចាត់វិធានការតាមច្បាប់។
នាយឧត្តមសេនីយ៍បានបញ្ជាក់យ៉ាងដូច្នេះថា ឲ្យតែមានពាក្យបណ្តឹងយើងនឹងចាត់ការត្រួតពិនិត្យតាមវិន័យនគរបាល ឬក៏តាមវិធានការច្បាប់បើមានពិតប្រាកដចឹងមែន ៕ ដោយ ៖ បញ្ញាស័ក្តិ