ខេត្តស្វាយរៀង ៖ ទោះបីជាចេញសេចក្តីណែនាំពីក្រសួងនិងរដ្ឋបាលសាលាខេត្តស្វាយរៀងអោយមានការទប់ស្តាត់ការនាំជ្រូកចូលពីប្រទេសជិតខាងយ៉ាងណាក៏ដោយនៅតែឈ្មួញទុច្ចរិតនៅតែបន្តលួចដឹកនាំជ្រូកពីប្រទេសវៀតណាមចូលមកកម្ពុជាតាមច្រករបៀងដំបូកកោះស្ថិតនៅភូមិ ព្រែកពក ឃុំ ថ្នាធ្នង់ ស្រុក រំដួល ខេត្ត ស្វាយរៀង។
ដោយមហាជនបានរិះគន់ថា មានមន្ត្រីប៉ូលិសប្រចាំការនៅច្រករបៀងឃប់ឃិតគ្នាបើកឲ្យឈ្មួញនាំជ្រូកពីវៀតណាមចូលមកតាមស្រុករំដួលក៏ប៉ុន្តែត្រូវប្រជាពលរដ្ឋប្រទះឃើញរាយការណ៍ជូនសមត្ថកិច្ចនគបាលប៉ុស្ត៍រដ្ឋបាលឃុំអង្គប្រស្រែចុះបង្ក្រាបនិងចាប់ឃាត់ទុកហើយបញ្ជូនឲ្យមន្ត្រីជំនាញការិយាល័យផលិតកម្មនិងបសុព្យាលនៃមន្ទីរកសិកម្មរុក្ខាប្រម៉ាញ់និងនេសាទខេត្តស្វាយរៀងចាត់ការតាមនីតិវិធីច្បាប់។
បើតាមលោក ប៉ែន ចន្ធី ប្រធានការិយាល័យផលិតកម្មនិងបសុព្យាបាលមន្ទីរកសិកម្មរុក្ខាប្រម៉ាញ់និងនេសាទខេត្តបានឲ្យដឹងថា ករណីឈ្មួញនាំជ្រូកពីប្រទេសវៀតណាមនេះគឺនាំចូលតាមច្រករបៀងដំបូកកោះស្ថិតក្នុងភូមិ ព្រែកពក ឃុំ ថ្នាធ្នង់ ស្រុក រំដួល ខេត្តស្វាយរៀងហើយបានដឹកឆ្ពោះទៅឃុំអណ្តូងពោធិស្រុករមាសហែកក៏ប៉ុន្តែត្រូវប្រជាពលរដ្ឋប្រទះឃើញក៏រាយការណ៍ជូនសមត្ថកិច្ចនគបាលប៉ុស្តិ៍រដ្ឋបាលឃុំអង្គប្រស្រែចុះស្ទាក់ចាប់ឃាត់ឈ្មួញដឹកជ្រូកនិងកូនជ្រូក១១ក្បាលកាលពីវេលាម៉ោង៣និង០០នាទីព្រឹកទៀបភ្លឺថ្ងៃទី១៨ខែមេសាឆ្នាំ២០១៩នៅចំណុចផ្លូវលំស្ថិតនៅភូមិ ត្រពាំងធំ ឃុំអង្គប្រស្រែ ស្រុករមាសហែកខេត្តស្វាយរៀង។
ជនសង្ស័យដឹកជ្រូកពីប្រទេសវៀតណាមតាមម៉ូតូនោះមានឈ្មោះ ឯក សុខ ភេទប្រុស អាយុ៤០ឆ្នាំមានទីលំនៅភូមិ រាមសេនា ឃុំ អណ្តូងពោធិ៍ ស្រុក រមាសហែក ខេត្តស្វាយរៀង។
លោក ប៉ែន ចន្ទី បន្តទៀតថា ជ្រូកទាំង១១ក្បាលនេះមន្ត្រីជំនាញបានបញ្ជូនមករក្សាទុកនៅមន្ទីរកសិកម្មរុក្ខាប្រម៉ាញ់និងនេសាទខេត្តហើយបានបូមឈាមជ្រូកយកទៅពិនិត្យនៅមន្ទីរពិសោធន៍អគ្គនាយកដ្ឋានសុខភាពសត្វនិងសុខភាពសត្វក្រសួងកសិកម្មនិងរុក្ខាប្រម៉ាញ់និងនេសាទ។ ហើយបើរកឃើញថា មានផ្ទុកជម្ងឺ ប៉េស្តអាហ្វិក ឬជ្រូកត្រជៀកខៀវ យើងនិងកម្ទេចចោល។ ក៏ប៉ុន្តែបើគ្មានផ្ទុកមេរោគទេមន្ត្រីជំនាញនិងធ្វើការផាកពិន័យទៅតាមច្បាប់ពេទ្យសត្វ។
លោក ប៉ែន ចន្ធីបានបញ្ជាក់ទៀត តាមសារាចររណ៍នែនាំពីក្រសួងកសិកម្មរុក្ខាប្រម៉ាញ់និងនេសាទដាក់វិធានការតឹងរឹងមិនឲ្យនាំជ្រូកវៀតណាមចូលមកកម្ពុជាហើយការចាប់ឃាត់រថយន្តដឹកជ្រូកនេះដោយមានការសង្ស័យថានាំជ្រូកពីប្រទេសវៀតណាមចូលមកកម្ពុជាក្នុងរដ្ឋបាលខេត្តស្វាយរៀងដែលជ្រូកវៀតណាមមានផ្ទុះជម្ងឺប៉េសអាហ្វ្រិកធ្ងន់ធ្ងរ ហើយលោក ម៉ែន វិបុល អភិបាលខេត្តស្វាយរៀងបានចេញសេចក្តីណែនាំស្តីពីវិធានការបន្ទាន់ដើម្បីត្រួតពិនិត្យនិងទប់ស្កាត់ការឆ្លងរាលដាលជម្ងឺប៉េសជ្រូកអាហ្វ្រិកដោយឲ្យគ្រប់ស្ថាបន័មានសមត្ថកិច្ចក្នុងខេត្តសហការគ្នាផ្សព្វផ្សាយនិងទប់ស្កាត់បញ្ឈប់ការនាំជ្រូកពីវៀតណាមនិងផលិតផល់មានដើមកំណើតពីសត្វជ្រូកត្រូវអនុវត្តឲ្យមានប្រសិទ្ធិភាពទើបមន្ត្រីជំនាញសហការជាមួយមន្ត្រីនគបាលស្រុកប៉ុស្ត៍រដ្ឋបាលឃុំចុះល្បាតតាមព្រំដែនដើម្បីឃ្លាំមើលទប់ស្កាត់និងបង្ក្រាបទើបឈានដល់ការបង្ក្រាបបាន១ករណីនេះមានកូនជ្រូក១១ក្បាលអនុវត្តតាមនីតិវិធី។
រីឯមហាជនបានបង្ហើបឲ្យដឹងថាមានឈ្មួញនាំជ្រូកវៀតចូលតាមច្រករបៀងក្នុងស្រុករំដួលនេះច្រើនណាស់នៅពេលយប់ចាប់ពីម៉ោង១រំលងអាធ្រាតរហូតដល់៣និង៣០នាទីទៀបភ្លឺមានកូនជ្រូក ជ្រូកជំទង់និងជ្រូកធំ ដឹកតាមម៉ូតូនិងតាមម៉ូតូរ៉ឺម៉កមួយយប់ៗរាប់សិបគ្រឿងមិនដែលឃើញសមត្ថកិច្ចស្ទាក់ចាប់បានទេ៕ ដោយ ៖ វ៉ៃកូ
