ខេត្តស្វាយរៀង ៖ បើទោះបីជាមានការផ្សព្វផ្សាយពីច្បាប់ចរាចរណ៏ផ្លូវគោក ជាបន្តបន្ទាប់ជូនដល់ពលរដ្ឋ និង យុវជន យុវតីយ៉ាងណាក្តីនោះការគ្រោះថ្នាក់ចរាចរណ៏ផ្លូវគោកនៅតែ បន្តគ្រោះថ្នាក់គួរអោយព្រួយ បារម្មណ៏ ខណៈដែល មន្ត្រីនគរបាលបានចុះអនុវត្តច្បាប់ចរាចរណ៏នៅតាមគោលដៅដែលប្រឈម និងគ្រោះថ្នាក់។
យោងតាមរបាយការណ៏ របស់ការិយាលយ័នគរបាលចរាចរណ៏ផ្លូវគោក នៃស្នងការនគរបាលខេត្តស្វាយរៀង ចុះថ្ងៃទី១៧ ខែមេសា ឆ្នាំ២០១៩ ស្តីពី គ្រោះថ្នាក់ចរាចរណ៏ក្នុងពិធីបុណ្យចូលឆ្នាំថ្មីប្រពៃណីជាតិ រយះពេល ៥ថ្ងៃ គិតពីថ្ងៃទី១៣ ដល់ថ្ងៃទី១៧ ខែ មេសា ឆ្នាំ២០១៩ នៅទូទាំងខេត្ត កើតឡើងចំនួន ០៧លើក (លើផ្លូវជាតិ ចំនួន ៣លើក ផ្លូវខេត្តចំនួន៣លើក ផ្លូវលំ១លើក ) បើប្រៀបធៀបទៅនិងឆ្នាំ២០១៨មានការថយចុះមួយលើក មាន មនុស្សគ្រោះថ្នាក់ចំនួន១៧នាក់ ក្នុងនោះបង្កអោយមនុស្សស្លាប់ចំនួន ៤ នាក់ និងមនុស្ស ចំនួន ១២នាក់ ផ្សេង ទៀត បានរងរបួស ធ្ងន់ស្រាល ។
របាយការណ៏ដ៏ដែលបានបញ្ជាក់ថា មូលហេតុគ្រោះថ្នាក់ចរាចរណ៏ មកពី អ្នកបើកបរមានភាពស្រវឹងចំនួន២ ករណី បើកបរមានល្បឿនលឿនមានចំនួន ២ករណី មិនគោរពសិទ្ធអាទិភាព ១ករណី បត់ឆ្វេង ១ករណី បើកបរ ជែងក្នុងស្ថានភាពគ្រោះថ្នាក់ ១ករណី និងអ្នកបើកបរម៉ូតូចំនួន១០នាក់ មិនពាក់មួកសុត្តិភាព ។
បង្កអោយ មធ្យោបាយធ្វើដំណើរខូចខាតចំនួន១២ គ្រឿង មានរថយន្តធុនតូច ខូចស្រាល ១គ្រឿង ម៉ូតូខូច សរុបចំនួន១០ គ្រឿង ខូចធ្ងន់ចំនួន៤គ្រឿង និងកង់ខូចធ្ងន់ចំនួន ១គ្រឿង ។ ស្រុកក្រុង ដែលបង្កអោយមានគ្រោះថ្នាក់ចរាចរណ៏ កើតនៅស្រុកកំពង់រោទ៏ ចំនួន ២ លើក ក្រុងបាវិត ១លើក ស្រុកស្វាយជ្រំ ១លើក ស្រុករមាសហែក ១លើក រំដួល ១លើក និងស្រុកស្វាយទាបចំនួន១លើក ។
របាយការណ៏បានសន្ឋិដ្ឋានថា ការគ្រោះថ្នាក់ចរាចរណ៏ មកពីនៅខេត្តស្វាយរៀងមានរៀបចំសង្គ្រាន្តឆ្នាំថ្មី ពលរដ្ឋមកចូលរួមលេងកំសាន្តច្រើន កុះករជាងឆ្នាំមុនៗ យុវវយ័ភាគច្រើនធ្វើដំណើរមកកំសាន្តលេងដោយ ម៉ូតូ មិន បានចូលរួមគោរពច្បាប់ បើកបរមិនពាក់មួកសុវត្តិភាព គ្មានកញ្ចក់មើលក្រោយ ជិះម៉ូតូលើសកំណត់ បើក បរ វ៉ាជែង ខ្វះការប្រុងប្រយត្ន័ បើកប្រើប្រាស់ល្បឿនលឿន បើកបរក្នុងស្ថានភាពស្រវឹង ជាហេតុធ្វើអោយគ្រោះ ថ្នាក់ចរាចរណ៏ ៕ ដោយ ៖ វ៉ៃកូ