ក្រសួងការបរទេសអាមេរិច បានប្រកាសជាផ្លូវការកាលពីថ្ងៃសុក្រម្សិលមិញថា សហរដ្ឋអាមេរិចនឹងផ្តល់ឲ្យអ៊ុយក្រែន នូវអាវុធការពារខ្លួនជាច្រើន ដែលជាកិច្ចប្រឹងប្រែងរបស់អាមេរិចក្នុងការជួយអ៊ុយក្រែនកសាងសមត្ថភាពការពារខ្លួនរយៈពេលវែង ការពារអធិបតេយ្យភាព និងបូរណភាពទឹកដី និងការពារការឈ្លានពាន។
ក្រសួងការបរទេសអាមេរិចថ្លែងថា “ជំនួញរបស់អាមេរិចគឺជាជំនួយសំរាប់ឲ្យអ៊ុយក្រែនការពារខ្លួនសុទ្ធសាធ ហើយដូចដែលពួកយើងតែងតែនិយាយថា អ៊ុយក្រែងជាប្រទេសមានអធិបតេយ្យភាព ដូច្នេះប្រទេសនេះមានសិទ្ធិការពារខ្លួន”។
សមាជិកសភា និងរដ្ឋាភិបាលប្រទេសអ៊ុនក្រែន បានស្នើសុំអាវុធប្រឆាំងរថក្រោះជាយូរមកហើយពីអាមេរិច ដើម្បីបង្កើនសមត្ថភាពរបស់រដ្ឋធានី កៀវ (ទីក្រុងធំបំផុតរបស់អ៊ុយក្រែន) ក្នុងការប្រយុទ្ធប្រឆាំងនឹងក្រុមផ្តាច់ខ្លួនដែលគាំទ្រដោយរុស្សី។
នេះគឺជាការវិវឌ្ឍន៏ថ្មីទៀតពីអាមេរិចក្នុងការជួយអ៊ុនក្រែន ដែលប្រទេសរុស្សីត្រូវគេរំពឹងថា នឹងធ្វើការរិះគន់អាមេរិចជុំវិញជំនួយយោធដល់អ៊ុយក្រែន។
ចំនែកអ្នកជំនាញ់មួយចំនួនបានថ្លែងប្រាប់ BBC ថា ប្រទេសរុស្សីអាចប្រើប្រាស់វិធានការណ៏នេះដើម្បីធ្វើជាលេសក្នុងការចាត់វិធានការបន្ថែមលើប្រទេសអ៊ុយក្រែន បន្ទាប់ពីរុស្សីបានឈ្លានពាន និងដណ្តើមយកតំបន់គ្រីមៀ មកកាន់កាប់កាលពីឆ្នាំ ២០១៤៕ សុភ័ក្ត្រ
