ក្រុមហ៊ុនលក់ទំនិញអនឡាញ Amazon នឹងធ្វើការដកខ្លួនចេញពីការលក់ទំនិញក្នុងប្រទេសចិន ដែលជាទីផ្សារដ៏ធំបំផុតក្នុងពិភពលោក។
Amazon នឹងធ្វើការបិទទីផ្សាររបស់ខ្លួននៅក្នុងប្រទេសចិនក្នុងរយៈពេលប៉ុន្មានខែខាងមុខនេះ ដូច្នេះមានន័យថា អតិថិជនរបស់ Amazon នឹងមិនអាចទិញទំនិញពីអ្នកលក់ចិនបានទៀតទេ។
Amazon មិនបានពន្យល់ពីមូលហេតុនៃបញ្ឍប់នោះទេ ដោយគ្រាន់តែបញ្ជាក់ថា ខ្លួននឹងធ្វើការផ្តោតលើការលក់ទំនិញដែលមានការដឹកជញ្ជូនពីប្រទេសផ្សេងៗទៅ កាន់ប្រទេសចិន។
ក្រុមហ៊ុនបញ្ជាក់នៅក្នុងសេចក្តីប្រកាសរបស់ខ្លួនថា “ពួកយើងសូមជូនដំណឹងដល់អ្នកលក់ថា ពួកយើងនឹងមិនធ្វើប្រតិបត្តិការទីផ្សារនៅលើ Amazon.cn ទៀតទេ ហើយពួកយើងនឹងមិនផ្តល់សេរវាលក់នៅលើ Amazon.cn ទៀតទេចាប់ពីថ្ងៃទី ១៨ ខែតុលា”។
សូមបញ្ជាក់ថា Amazon បានចូលទៅកាន់ទីផ្សារចិនដំបូងកាលពី ១៥ឆ្នាំមុន ប៉ុន្តែខ្លួនបានប្រឈមនឹងការប្រកួតប្រជែងយ៉ាងខ្លាំងជាមួយនឹងក្រុមហ៊ុនក្នុងស្រុករបស់ចិនន។ បើតាមការស្រាវជ្រាវបានឲ្យដឹងថា ទីផ្សាររបស់ Amazon នៅក្នុងប្រទេសចិនគឺតូចខ្លាំងណាស់ ប្រសិនប្រៀបធៀបទៅនឹងទីផ្សាររបស់ក្រុមហ៊ុនចិនផ្សេងៗ។
ទីផ្សារលក់រាយអនឡាញនៅក្នុងប្រទេសចិនគឺធំសម្បើមខ្លាំងណាស់ ដោយមានការទិញរហូតដល់ ២លានលានដុល្លាជារៀងរាល់ឆ្នាំ។
ទីផ្សារលក់អនឡាញរបស់ចិនត្រូវបានក្តោបក្តាប់ដោយក្រុមហ៊ុន Alibaba ដែលមានប្រមាណលើសពាក់កណ្តាលនៃការលក់ទាំងអស់៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN