ប្រជាពលរដ្ឋមួយចំនួនហាក់បីដូចជាស្រឡាំងកាំង នៅពេលដែលធ្វើដំណើរទៅប៉ុស្តិ៍រដ្ឋបាលទឹកថ្លា ស្រាប់តែបាត់ប៉ុស្តិ៍ ត្រូវគេលើកយកទៅណាបាត់ ធ្វើឲ្យពួកគាត់មិនដឹងជាទៅរកប៉ុស្តិ៍ថ្មីនៅទីកន្លែងណានោះទេ ព្រោះការដោះដូរនេះ មេប៉ុស្តិ៍មិនបានប្រាប់ប្រជាពលរដ្ឋឲ្យបានដឹងពីទីស្នាក់ការថ្មី ដែលជាការបង្កការលំបាកដល់ប្រជាពលរដ្ឋក្នុងការស្វែងរកសេវាពីនគរបាល នៅទីកន្លែងថ្មី។
ល្បីជាថ្មីហើយ ដីស្នាក់ការប៉ុស្តិ៍នគរបាលរដ្ឋបាលទឹកថ្លា ខណ្ឌសែនសុខ តម្លៃជិត២លានដុល្លារ ត្រូវបានគេលក់ បាត់ហើយក្រោមលេសដោះដូរ ទីស្នាក់ការថ្មី គ្រាន់បានលុយ មេៗចែកគ្នាចាយ ។ ការដោះដូរទីស្នាក់ការប៉ុស្តិ៍នគរបាលរដ្ឋបាលទឹកថ្លាពីកន្លែងចាស់ដែលស្ថិតនៅតាមផ្លូវភ្នំពេញហាណូយដែលនៅជិតស្ពានអាកាសសាដីហុយដែលមានដីយ៉ាងធំទូលាយតាំងពីដើមរៀងមកត្រូវបានផ្លាស់ប្ដូរទៅទីតាំងថ្មីនៅក្នុងភូមិចុងថ្នល់ខាងលិចក្នុងសង្កាត់ទឹកថ្លាដែលជាផ្ទះល្វែងតូចមួយទើបនឹងធ្វើថ្មីដែលមានទីធ្លាតូចចង្អៀតមិនសមស្របសម្រាប់កន្លែងធ្វើការនោះឡើយ។
ទីតាំងថ្មីនេះបើប្រៀបធៀបនឹងទីតាំងចាស់គឺមានទីធ្លាខុសគ្នាឆ្ងាយដូចមេឃនិងដី ប៉ុន្តែមិនថ្វីនោះទេ ព្រោះនេះជារឿងរបស់ថ្នាក់លើក្នុងការដោះដូរទីតាំង ចំណែកមន្ត្រីថ្នាក់ក្រោមនិងមន្ត្រីប៉ុស្តិ៍មិនមានមាត់ហាស្ដីឬក៏និយាយអ្វីនោះទេបានត្រឹមតែរើកញ្ជើទៅទីតាំងថ្មីធ្វើការតាមបញ្ជាតែប៉ុណ្ណោះ។ មហាជនបានលើកឡើងថាការដោះដូរទីតាំងថ្មីនេះស្របពេលដែលដីនៅទីតាំងចាស់កំពុងតែត្រូវប៉ាន់ហើយជាពិសេសនៅនិងផ្លូវធំទៀតដែលជាទីតាំងល្អសម្រាប់អាជីវកម្មឬក៏ក្រុមហ៊ុនថ្មី។
នៅព្រឹកថ្ងៃទី 20 ខែមេសានេះ អ្នកយកព័ត៌មាន CEN បានទៅផ្តិតយករូបភាពនៃទីស្នាក់ការចាស់គឺបានឃើញផ្ទាល់គឺគេបានទម្លាក់ស្លាកនគរបាលទឹកថ្លាចុះបាត់ទៅហើយហើយនិងព័ទ្ធរបងស័ង្កសីពណ៌ខៀវចំណែកនៅខាងក្នុងអីវ៉ែអីវ៉ាន់គ្រឿងសម្ភារៈត្រូវបានគេរើចេញ នឹងមានកម្មករកំពុងតែធ្វើការនៅក្នុងនោះផងដែរ។ជាមួយនឹងការផ្លាស់ប្ដូរទីតាំងថ្មីនេះប្រជាពលរដ្ឋមួយចំនួនទំនងជាពុំបានដឹងនៅឡើយទេះ ហើយហ្នឹងក៏ពិបាកដឹងដែរថាទីតាំងថ្មីនៅទីណានោះទេ ក្នុងការទៅស្វែងរក សេវាពីនគរបាលប៉ុស្ដិ៍ទឹកថ្លាក៏ដូចជាទៅដាក់ពាក្យបណ្ដឹងផ្សេងៗផងដែរ។
ប្រជាពលរដ្ឋមូលដ្ឋាននៅក្បែរប៉ុស្តិ៍ទឹកថ្លាចាស់បាននិយាយថាពួកគាត់ពុំដឹងជាគេលក់ទីតាំងស្នាក់ការនគរបាលប៉ុស្តិ៍ទឹកថ្លានេះទេហើយនគរបាលក៏មិនបានប្រាប់ប្រជាពលរដ្ឋក្នុងការផ្លាស់ប្ដូរទីតាំងប៉ុស្តិ៍នគរបាលទឹកថ្លាដែរ។ដូច្នេះហើយបានធ្វើឲ្យប្រជាពលរដ្ឋមានការពិបាកយ៉ាងខ្លាំងក្នុងការស្វែងរកប៉ុស្តិ៍នគរបាលទឹកថ្លាថ្មីដើម្បីបំពេញសំណុំឯកសារឬក៏សុំឯកសារដូចជាពិធីបុណ្យវិធីការឬក៏ឯកសារផ្សេងៗផងដែរដែលជាការបង្កការលំបាកយ៉ាងខ្លាំងដល់ប្រជាពលរដ្ឋ។ ប្រជាពលរដ្ឋ បាននិយាយចោទប្រកាន់ទភលើនាយប៉ុស្តិ៍នគរបាលទឹកថ្លាថាការដោះដូរស្នាក់ការនេះពុំបានជូនដំណឹងប្រាប់ប្រជាពលរដ្ឋឲ្យដឹងនោះទេ។ស្ងាត់ៗស្រាប់តែបាត់ប៉ុស្តិ៍នគរបាលទឹកថ្លាទៅណាក៏មិនដឹងដោយគេទម្លាក់ស្លាក ចោលបាត់និងព័ទ្ធរបងហើយនឹងរើសសម្ភារៈចេញដែលធ្វើរបៀបនេះហាក់ដូចជាលួចលាក់ភ្នែកប្រជាពលរដ្ឋ៕ ដោយ៖បញ្ញាស័ក្តិ
