សៀមរាប ៖ នៅលើបណ្ដាញសង្គមហ្វេសប៊ុកនាថ្ងៃទី 21 ខែមេសានេះ បានល្បីឬក៏ដូចជាភ្ញាក់ផ្អើលនៅពេលដែលមានមនុស្សម្នាក់កាន់ដុំទឹកកកហើយមានសត្វកណ្ដុរនៅក្នុងដុំទឹកកកនោះ ហើយបានសរសេរថា នេះគឺជានាងពួនទឹកកក។
ជាមួយនឹងករណីនេះលោកជាច័ន្ទបរិបូរណ៍ដែលជាប្រធានក្រុមការងារថ្នាក់ជាតិចុះជួយស្រុកក្រឡាញ់និងជារដ្ឋលេខាធិការនៃក្រសួងព័ត៌មានបានបញ្ជាក់នៅលើ facebook ផ្លូវការរបស់លោកថាករណីនេះម្ចាស់ហ្វេសប៊ុកគ្រាន់តែយករូបភាពរបស់គេមកផុសលេងតែប៉ុណ្ណោះ មិនមែនជារឿងដែលកើតឡើងនៅក្នុងមូលដ្ឋានស្រុកក្រឡាញ់នោះទេ។ ប៉ុន្តែទោះយ៉ាងណាលោកប្រធានក្រុមការងារ ពុំបានបញ្ជាក់ថារូបភាពនេះ មានដើមកំណើតចេញមកពីណាហើយកើតនៅទីតាំងណាមួយទេ។
បើយោងតាមសេចក្តីបំភ្លឺ របស់លោក ជា ច័ន្ទបរិបូរណ៍ ប្រធានក្រុមការងារថ្នាក់ជាតិចុះជួយស្រុកក្រឡាញ់ ជុំវិញករណីម្ចាស់គណនីហ្វេសប៊ុកឈ្មោះ soksan ou ផុសរូបសត្វកណ្តុរនៅក្នុងដុំទឹកកក ដែលមានខ្លឹមសារទាំងស្រុងដូចតទៅ ក្រោយពីបានឃើញរូបភាពនេះ តាងនាមខ្ញុំជាប្រធានក្រុមការងារថ្នាក់ជាតិចុះជួយស្រុកក្រឡាញ់ បានសួរនាំទៅ អភិបាលរងស្រុកក្រឡាញ់ លោក សុខ ណារ៉េត បានបំភ្លឺមកយ៉ាងដូច្នេះថា៖ “សូមគោរពជម្រាបជូនឯកឧត្ដម បានជ្រាបថា ម្ចាស់គណនីហ្វេសប៊ុកឈ្មោះ soksan ou គាត់ទាញយករូបភាពខាងលើនេះពីហ្វេសប៊ុក មកpost លើគណនីរបស់គាត់ដើម្បីជាការលេងសើច ដោយរូបភាពខាងលើនេះមិនមែននៅក្នុងស្រុកក្រឡាញ់នោះទេ។ គ្រាន់តែកា រpost របស់គាត់បានធ្វើឱ្យមានការភាន់ច្រឡំថារូបភាពនេះ ស្ថិតក្នុងស្រុកក្រឡាញ់។
សូមឯកឧត្ដមមេត្តាជ្រាប និងទទួលនូវការគោរព អំពីខ្ញុំបាទ”៕ ដោយ៖កូឡាប