អ្នកកំប្លែងជនជាតិអ៊ុយក្រែនឈ្មោះ Volodymyr Zelensky បានឈ្នះការបោះឆ្នោតប្រធានាធិបតីយ៉ាងភ្លូកទឹកភ្លូកដី។
បើតាមលទ្ធផលការបោះឆ្នោត បានឲ្យដឹងថា លោក Volodymyr Zelensky ទទួលបានសម្លេងឆ្នោតគាំទ្រច្រើនជាង ៧០ភាគរយឯណោះ ខណៈដែលលោកប្រធានាធិបតី Petro Poroshenko ទទួលស្គាល់ពីការបរាជ័យក្នុងការបោះឆ្នោតនោះ។
អ្នកកំប្លែងវ័យ ៤១ ឆ្នាំបានធ្វើការអប់អរកាលពីថ្ងៃអាទិត្យម្សិលមិញនេះ និងបានថ្លែងប្រាប់អ្នកគាំទ្រថា “ខ្ញុំនឹងមិនធ្វើឲ្យអ្នកអស់សង្ឃឹមទេ។ ខ្ញុំមិនមែនជាប្រធានាធិបតីជាផ្លូវការនៅឡើយទេ ប៉ុន្តែក្នុងនាមជាប្រជាជនអ៊ុយក្រែន ខ្ញុំអាចនិយាយទៅកាន់ប្រទេសទាំងអស់ក្នុងសហភាពសូវៀតថា ចូរមើលមកពួកយើង អ្វីៗគឺសុទ្ធតែអាចកើតមានឡើយងទាំងអស់”។
ប្រសិនជាលទ្ធផលបោះឆ្នោតត្រឹមត្រូវ គាត់នឹងត្រូវធ្វើជាប្រធានាធិបតីមួយអាណត្តិរយៈពេល ៥ឆ្នាំ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
