ខណៈពេលធ្វើដំណើរតាមផ្លូវអាកាសពីកោះ Sip វិលត្រឡប់មកក្រុង London កាលពីថ្ងៃទី ២២/១២ យន្តហោះពិសេសរបស់នាយករដ្ឋមន្ត្រីអង់គ្លេស Anh Theresa May ស្រាប់តែត្រូវរារាំងដោយយន្តហោះប្រយុទ្ធ Typhoon ២គ្រឿង របស់ទ័ពអាកាសភូមិន្ទអង់គ្លេស។
យន្តហោះទាំងនេះ ត្រូវបានចាត់ឲ្យចេញធ្វើសមយុទ្ធពីមូលដ្ឋាន Conningsby, Lincolnshire ហើយអនុវត្តវិញ្ញាសាររារាំង។ យន្តហោះទាំង២នេះ ចូលកៀកចម្ងាយប្រហែលតែ ២៥ម៉ែត្រប៉ុណ្ណោះ។ ពីយន្តហោះរបស់នាយករដ្ឋមន្ត្រី May ព្រមទាំងបានផ្អៀងបង្ហាញយុទ្ធភ័ណ្ឌដែលបំពាក់លើយន្តហោះ។
នេះជាលើកដំបូងហើយដែលនាយករដ្ឋមន្ត្រីអង់គ្លេស Anh Theresa May បានឃើញដោយផ្ទាល់ភ្នែកនូវវិញ្ញាសារសមយុទ្ធរារាំងរបស់យន្តហោះប្រយុទ្ធនៃទ័ពអាកាសនៅក្នុងលំហ។
នេះជាផ្នែកមួយនៃការធ្វើសមយុទ្ធរាំងស្កាត់យន្តហោះចម្លែកចូលមកដែនអាកាសអង់គ្លេស។ ការធ្វើសមយុទ្ធនេះ នាំឲ្យយន្តហោះពិសេសរបស់នាយករដ្ឋមន្ត្រីអង់គ្លេសចុះចតយឺតជាងមួយម៉ោងប្រៀបនឹងគម្រោង។
អាកាសយាននិកលើយន្តហោះពិសេសសង្កេតមើលយន្តហោះប្រយុទ្ធតាមរយៈអេក្រង់រ៉ាដា គួរកត់សម្គាល់ថា យន្តហោះប្រយុទ្ធ Typhoon ច្រើនទទួលភារកិច្ចរាំងស្កាត់បណ្តាយន្តហោះទម្លាក់គ្រាប់របស់រុស្ស៊ីដែលធ្វើសកម្មភាពនៅកៀកដែនអាកាសអង់គ្លេស ហើយយន្តហោះនីមួយៗត្រូវបានបំពាក់កាំជ្រួចចំនួន ៤គ្រាប់។
នាយករដ្ឋមន្ត្រីអង់គ្លេសកំពុងជួបជុំជាមួយពលទាហានអង់គ្លេសនៅកោះ Sip៕ សូយន