ខេត្តកណ្តាល ៖ នគរបាលស្រុកស្អាង បានឲ្យដឹងថា ករណីទំនាស់គ្នានៅកន្លែងស៊ីការ ត្រឡប់មកផ្ទះវិញកំពុងដេកលក់ ត្រូវភាគីជម្លោះ លើកគ្នាទៅព្រួតវាយ បណ្តាលឲ្យបុរសរបួសធ្ងន់ រួចគេចខ្លួនបាត់។ ករណីហិង្សាដោយចេតនា នេះ កើតហេតុថ្ងៃទី២១.០៤.២០១៩ វេលាម៉ោង ២៣និង០០នាទី នៅចំនុចភូមិ ឬស្សីជ្រោយ ឃុំស្វាយប្រទាល ស្រុកស្អាង ខេត្តកណ្ដាល។
ជនរងគ្រោះឈ្មោះ សាញ់ ចាន់សី ភេទ ប្រុស អាយុ៣៣ឆ្នាំ ជនជាតិខ្មែរ មុខរបរកសិករ មានទីលំនៅភូមិ ព្រែកតាជរ័ ឃុំស្វាយប្រទាល ស្រុកស្អាង ខេត្តកណ្ដាល មានស្នាមមុតត្រង់ក្បាល១កន្លែង និងកែងដៃ ១កន្លែង ។
ជនសង្សយ័មានចំនួន ០៥នាក់ ៖
១- ឈ្មោះ ហោ វឿន ភេទ ប្រុស អាយុ ៣៧ឆ្នាំ ជនជាតិខ្មែរ មានទីលំនៅភូមិព្រែកតាតិន ឃុំស្វាយប្រទាល ស្រុកស្អាង ខេត្តកណ្ដាល។(គេចខ្លួន) ។
២- ជនសង្សយ័ចំនួន០៤នាក់ទៀតមិនស្គាល់អត្តសញ្ញាណ គេចខ្លួន។
នៅថ្ងៃទី២១មេសា២០១៩ វេលាម៉ោង១៩.០០នាទី ជនរងគ្រោះបានទៅហូបការគេនៅភូមិ ព្រែកតាជ័រ ឃុំស្វាយប្រទាល ហើយបានផឹកស្រាស្រវឹង ក៏មានជម្លោះជាមួយជនសង្សយ័ ហើយក៏ត្រលប់មកផ្ទះវិញដេកលក់ លុះដល់ម៉ោង២៣.០០នាទី ឈ្មោះហោ វឿន បាននាំបក្ខពួកមកវ៉ៃឈ្មោះ សាញ់ ចាន់សី ដែលកំពុងដេកនៅនឹងផ្ទះ បណ្ដាលឲ្យរបួសស្នាម រួចក៏នាំគ្នារត់គេចខ្លួនតែម្ដង ។
ជនរងគ្រោះត្រូវបានក្រុមគ្រួសារយកទៅមន្នីពេទ្យបង្អែកស្រុកកៀនស្វាយ ។
ករណីនេះកម្លាំងជំនាញសហការជាមួយកម្លាំងប៉ុស្តិ៍រដ្ឋបាលស្វាយប្រទាល ប្រមូលផ្ដុំសុំណុំរឿងបញ្ជូនទៅតុលាការចាត់ការតាមនីតិវិធី ៕ ដោយ៖កូឡាប
