តាកែវ ៖ ក្រោយមានការពិនិត្យឃើញថាសាលារៀនមួយចំនួន បាននិងតំណើរការបានយ៉ាងល្អជាមួយនិងការសិក្សា ជាមួយនិងធនធានមនុស្សបូករួមផ្សំជាមួយនិងការរៀបចំសម្អាតបរិស្ថាននៅជំវិញសាលារៀនបានស្អាតផងដែរនោះ គឺបានធ្វើអោយគុណភាពលើកការងារអប់រំនៅតាមសាលាមួយចំនួននៅក្នុងប្រទេស ទទួលបានធនធានមនុស្សល្អៗជាច្រើន បន្ទាប់ពីក្រសួងបានរៀបចំបង្កើតអោយមានក្រុមប្រឹក្សាកុមារ និងក្រុមប្រឹក្សាយុវជនកម្ពុជា។ ដូច្នេះដើម្បីអោយការងារមួយនេះទទួលបាលជាលទ្ធផលផ្លែផ្ការល្អផងដែរនោះ លោកជំទាវ ស្រូយ សុជាតិ អគ្គនាយកនៃអគ្គនាយកដ្ឋានយុវជន បានជម្រុញអោយប្រតិភូរថ្នាក់ដឹកនាំក្រុមប្រឹក្សាកុមារ និងក្រុមប្រឹក្សាយុវជនកម្ពុជាពិភាក្សាគ្នាឡើងវិញ ដើម្បីរកដំណោះស្រាយល្អសម្រាប់ការអភិវឌ្ឍសាលារៀននៅក្នុងខេត្តរបស់ខ្លួន ។
ថ្លែងបែបនេះក្នុងពេលដែរលោកស្រីអគ្គនាយកយុវជន ចូលរួមបើកសិក្ខាសាលាស្តីពី ការពីនិត្យឡើងវិញការងារក្រុមប្រឹក្សាកុមារកម្ពុជា និងក្រុមប្រឹក្សាយុវជនកម្ពុជាឆ្នាំ ២០១៨- ២០១៩ នៅសាលប្រជុំនៃមន្ទីរអប់រំយុវជននិងកីឡាខេត្តតាកែវ កាលពីថ្ងៃទី ២២ ខែមេសា ឆ្នាំ២០១៩ ។
លោកជំទាវ ស្រូយ សុជាតិ បានមានប្រសាសន៏បន្តថា ជាច្រើនឆ្នាំមកនេះក្រោយពេលដែលក្រសួងបង្កើតនៅក្រុមប្រឹក្សាកុមារ និងក្រុមប្រឹក្សាយុវជនកម្ពុជា យើងសង្កេតឃើញថានូវក្នុងនោះក៏នៅមានសាលារៀនមួយចំនួនផងដែរនៅមិនទាន់ធ្វើបានល្អ ដូច្នេះដើម្បីអោយមានការកែប្រែឡើងវិញជាមួយនិងការងារនេះ ប្រតិភូរទាំងអស់ត្រូវតែសិក្សារៀនសូត្រពីគ្នានិងយកគំរូតាមសាលារៀនគោលដៅ ដែលធ្វើបាន ហើយយកមកអនុវត្តនៅតាមសាលារៀនរបស់ខ្លួន ។ ក្រុមប្រឹក្សាកុមារកម្ពុជា និងក្រុមប្រឹក្សាយុវជនកម្ពុជា គឺជាយន្តការមួយយ៉ាងសំខាន់ និងមិនអាចខ្វះបាន សម្រាប់បំពេញបេសកកម្មនៅតាមគ្រឹះស្ថានសិក្សានានាទូរទាំងប្រទេស ដែលក្រុមប្រឹក្សានេះមានភារកិច្ចជួយការងារក្នុងសាលារៀន និងផ្តល់ឱកាសឱកុមារ និងយុវជន បានសិក្សារៀនសូត្របន្ថែម ពីការងារដែលកើតមានឡើងនៅក្នុងសាលារៀនជាក់ស្តែង ទាក់ទងទៅនិងសកម្មភាពហ្វឹកហាត់ ដឹកនាំ និងគ្រប់គ្រង ដើម្បីអាចអភិវឌ្ឍបំណិនទទួលខុសត្រូវ ត្រិះរិះពិចារណា ដោះស្រាយបញ្ហា និងទំនាក់ទំនង បន្ទាប់ពីការសិក្សាមុខវិជ្ជាក្នុងថ្នាក់រៀនរួច ។
សូមបញ្ជាក់ផងដែរថា ក្រុមប្រឹក្សាកុមារ ក្រុមប្រឹក្សាយុវជនកម្ពុជា មាននៅគ្រប់គ្រឹះស្ថាននានានូវទូរទាំងប្រទេសដែលមានសមាជិកសរុប ១,៧៥៧,៥២៣នាក់ ដែលបានដើរតួនាទីយ៉ាងសំខាន់ សម្រាប់គាំទ្រដល់ការអប់រំក្នុងប្រព័ន្ធរបស់ក្រសួងអប់រំយុវជន និងកីឡា ៕ ដោយ ៖ តាកែវ