កងកម្លាំងយោធាអាមេរិក បានព្រមានទុកជាមុនដល់ពលទាហានរបស់ខ្លួន ជុំវិញខិតប័ណ្ណឃោសនារបស់កូរ៉េខាងជើង ដែលកំពុងធ្លាក់ចុះនៅមូលដ្ឋានយោធារបស់អាមេរិក នាប្រទេសកូរ៉េខាងត្បូង។
ការព្រមានទុកអំពីកូរ៉េខាងជើង បង្ហាញវត្តមានលើ facebook របស់កងកម្លាំងយោធាអាមេរិក នៅកូរ៉េខាងត្បូង។
តាម RT សេចក្តីប្រកាសមួយមានចំណងជើងថា “ប្រកាសអាសន្ន! ការឃោសនារបស់កូរ៉េខាង” បានបង្ហាញវត្តមានលើ facebook ផ្លូវការនៃកងកម្លាំងថ្មើរជើងលេខ៨ បោះជុំរំនៅមូលដ្ឋាន Yongsan ជិតរដ្ឋធានីសេអ៊ូល។ ពលទាហានអាមេរិកត្រូវបានប្រកាសឲ្យដឹងជាមុនពីការពង្រាយខិតប័ណ្ណឃោសនារបស់កូរ៉េខាងជើង នាមូលដ្ឋានយោធាអាមេរិក ក្នុងប្រទេសកូរ៉េខាងត្បូង។
មុននោះរូបភាពនៃខិតប័ណ្ណរបស់កូរ៉េខាងជើង បានបង្ហាញវត្តមានបណ្តាញសង្គមនៅថ្ងៃ១១/១២នេះ។ រីឯនៅខែ៩ មានខិតប័ណ្ណបោះពុម្ពជាង 900ស្លឹក ដែលមានរូបថ្លុកពេបជ្រាយប្រធានាធិបតីដុលណាល់ត្រា គេរកឃើញនៅកូរ៉េខាងត្បូង។ បណ្តាខិតប័ណ្ណទាំងនេះ ត្រូវបានបញ្ជូនតាមប៉េងប៉ោងហោះ ដែលជាវិធីពេញនិយមក្នុងការបញ្ជូនឯកសាររបស់កូរ៉េខាងត្បូងទៅកាន់កូរ៉េខាងជើង៕ ចន្ទ្រា