អង្គការខុមហ្វ្រែល នៅថ្ងៃទី 27 ខែមេសានេះបានផ្សាយ លើផេក ហ្វេសប៊ុកផ្លូវការរបស់ខ្លួនថា “និយាយប៉ះពាល់បញ្ហាអគ្គិសនីមិនបានទេដែលត្រូវកែតម្រូវវិញ?
លោក ជុំ កុសល ទីប្រឹក្សាផ្ទាល់របស់លោក ហ៊ុន សែន នាយករដ្ឋមន្ត្រីនៃកម្ពុជា និងជារដ្ឋលេខាធិការក្រសួងព័ត៌មាន បានបញ្ជាក់តាមរយ:វវីដេអូឡាយថា សំណេរពាក់ព័ន្ធរឿងដាច់អគ្គិសនីនោះ មិនមែនជាសំណេររបស់លោកនោះទេ ដោយលោកមិនបានសរសេរនោះទេ តែគឺអ្នកកាន់អ្នកគណនេយ្យហ្វេសបុកផ្ទាល់របស់លោកជាអ្នកបង្ហោះ ក្រោយពីសំណេរនេះត្រូវបានផុសផុលពេញបណ្តាញសង្គមហ្វេសបុក ហើយមានអ្នកទូរស័ព្ទប្រាប់លោកពីរឿងនេះ លោកបានខលទូរស័ព្ទទៅអ្នកកាន់គណនេយ្យហ្វេសបុកផ្ទាល់របស់លោកដើម្បីសួរនាំ ហើយបានឲ្យលុបStatusនោះចោលវិញ”។
ចំណែកនៅលើបណ្ដាញសង្គមហ្វេសប៊ុកបានលើកឡើងថា បញ្ហាឧស្សាហ៍ដាច់ចរន្តអគ្គិសនីប្រើប្រាស់ បានក្លាយជាប្រធានបទដ៏ក្តៅគគុកលើបណ្តាញសង្គមហ្វេសបុក ដោយមានសំនួរ ជាច្រើនត្រូវបានចោទសួរទៅកាន់អគ្គិសនីកម្ពុជា ដើម្បីអោយមានការបកស្រាយ។
នៅលើគណនេយ្យហ្វេសប៊ុកលោក ជុំ កុសល បានសរសេរថា “ភ្លើងដាច់ម្លឹងៗ ចុះផ្ទះមេភ្លើងមានដាច់ដែរទេនុង?” ។ បន្ទាប់ពីបង្ហោះដោយគណនេយ្យហ្វេសបុក លោក ជុំ កុសល ត្រូវបានអ្នកប្រើប្រាស់បណ្តាញសង្គមហ្វេសបុកចាប់អារម្មណ៍ដោយធ្វើការចែករំលែកតៗគ្នា ក៏ដូចជាអ្នកសារព័ត៌មានជាច្រើន បានធ្វើការចុះផ្សាយព្រោងព្រាត។ ប៉ុន្តែទោះយ៉ាងណាណាមានបញ្ហាឬក៏អ្វីម្យ៉ាងនោះទេនោះត្រូវបានលោកជុំកុសលលុបចោលបាត់ហើយចេញមុខបកស្រាយលើវីដេអូ។
ទាក់ទងនឹងរឿងនេះលោក ជុំ កុសល ទីប្រឹក្សាផ្ទាល់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជារដ្ឋលេខាធិការក្រសួងព័ត៌មាន បានបញ្ជាក់តាមរយ:វីដេអូ live ថា សំណេរពាក់ព័ន្ធរឿងដាច់អគ្គិសនីនោះ មិនមែនជាសំណេររបស់លោកនោះទេ ដោយលោកមិនបានសរសេរនោះទេ តែគឺអ្នកកាន់អ្នកគណនេយ្យហ្វេសបុកផ្ទាល់របស់លោកជាអ្នកបង្ហោះ ក្រោយពីសំណេរនេះត្រូវបានផុសផុលពេញបណ្តាញសង្គមហ្វេសបុក ហើយមានអ្នកទូរស័ព្ទប្រាប់លោកពីរឿងនេះ លោកបានខលទូរស័ព្ទទៅអ្នកកាន់គណនេយ្យហ្វេសបុកផ្ទាល់របស់លោកដើម្បីសួរនាំ ហើយបានឲ្យលុបសារនោះចោលវិញ។ លោកបានបញ្ជាក់ផងដែរថា កាលម្សិលមិញនេះលោករវល់ពេញមួយថ្ងៃពេញ ដោយពេលព្រឹកលោកប្រជុំជាមួយឧត្តមក្រុមប្រឹក្សាពិគ្រោះយោបល់ នៅទីស្តីការគណៈរដ្ឋមន្ត្រី ហើយពេលថ្ងៃត្រង់លោកបានចូលរួមបុណ្យសពឪពុករបស់មិត្តភក្ត្រជិតស្និទ្ធ ជាហេតុលោកមិនបានដឹងទាល់តែសោះ ទាល់តែមានហៅទូរស័ព្ទប្រាប់ទើបទទួលបានព័ត៌មាននេះ ។ លោក ក៏បានបញ្ជាក់ទៀតថា លោកបានយល់ច្បាស់លេីបញ្ហាខ្វះខាតថាមពលអគ្គិសនីនេះ ហេីយក៏ជាអ្នកតែងចេញមុខមកពន្យល់លេីបញ្ហានេះផងដែរ។ ដូច្នេះគ្មានហេតុផលណាមួយដែលលោកត្រូវមកវាយប្រហារលេីបញ្ហានេះនោះឡេីយ។ លោកក៏សូមឱ្យសាធារណជនយោគយល់ និងកុំមានការភ័ន្តច្រឡំ៕ ដោយ៖បញ្ញាស័ក្តិ
