រថយន្តក្រុងមួយគ្រឿងដែលដឹកអ្នកដំណើរចំនួន ៥០នាក់បានបោះពួយធ្លាក់ពីលើស្ពានចូលក្នុងទន្លេ បណ្តាលឲ្យមនុស្សចំនួន ៣៣នាក់ស្លាប់បាត់បង់ជីវិត នៅភាគខាងត្បូងប្រទេសឥណ្ឌា។ នេះបើតាមការចេញផ្សាយរបស់ BBC កាលពីថ្ងៃអាទិត្យម្សិលមិញនេះ។
បើតាមសេចក្តីរាយការណ៏ រថយន្តដែលបើកបរដោយក្មេងប្រុសអាយុទើប ១៦ឆ្នាំ បានបាត់ការគ្រប់គ្រង ហើយបានបុកទំលុះបង្កាន់ដៃស្ពាន និងធ្លាក់ពីកំពស់ ៣០ម៉ែត្រចូលក្នុងទន្លេ Banas។
សាកសពរបស់ជនរងគ្រោះស្ទើរតែទាំងអស់ត្រូវបានគេស្រង់យកមកលើគោល ចំនែកអ្នករងរបួសត្រូវបានបញ្ជូនទៅកាន់មន្ទីរពេទ្យ។
ប៉ូលីសបាននិយាយថា អ្នកបើកបរក៏បានស្លាប់ក្នុងហេតុការណ៏នោះដែរ ហើយប៉ូលីសបានហៅអ្នកបើកបរនោះថា ជាអនិតិជនដែលបានរៀនបើកប្រ។
ជនរងគ្រោះភាគច្រើន ដែលមានទាំងស្ត្រី និងកុមារបានលង់ទឹកស្លាប់យ៉ាងអនោចអធ័ម។ នេះបើតាមការបញ្ជាក់របស់អាជ្ញាធរ។
គ្រោះថ្នាក់ចរាចរណ៏តែងតែកើតមានជាញឹកញាប់នៅក្នុងប្រទេសដែលមានប្រជាជនច្រើនជាងគេទី ២នេះ ហើយជាទូទៅ គ្រោះថ្នាក់ចរាចរណ៏កើតរៀងរាល់ ៤នាទីម្តង៕ សុភ័ក្ត្រ
