ខេត្តកណ្តាល ៖ ក្រុមប្រជាពលរដ្ឋប្រមាណជិត២០០នាក់ បាននាំគ្នា ទៅតវ៉ានៅស្នាក់ការរបស់ក្រុមហ៊ុន សេវេសេវេនអេនជី ដែលមានទីតាំងស្ថិតក្នុងឃុំវិហារសួគ៍ ស្រុកខ្សាច់កណ្តាល ខេត្តកណ្តាល កាលពីព្រឹកថ្ងៃទី ២៩ ខែមេសា ឆ្នាំ២០១៩នេះ ដើម្បីទាមទារយកដីពីក្រុមហ៊ុនដែលពួកគាត់បានបង់ប្រាក់អោយក្រុមហ៊ុនរួចរាល់ហើយ ប៉ុន្តែពុំទាន់ទទួលបានដីកម្មសិទ្ធិ ។
ជាលទ្ធផលនៃការជួបគ្នារវាងក្រុមប្រជាពលរដ្ឋ និងឧកញ៉ាស្រី សុធា អគ្គនាយកក្រុមហ៊ុន សេវេនអេនជីគ នៅព្រឹកថ្ងៃដដែលនេះ គឺក្រុមហ៊ុនបានធ្វើលិខិតអះអាងថានឹងដោះស្រាយដីជូនប្រជាពលរដ្ឋដែលបានបង់ប្រាក់គ្រប់ចំនួនអោយអស់មុនបំណាច់ឆ្នាំ២០១៩នេះ ។ ដោយការទទួលបានលិខិតធានាអះអាងនេះ ក្រុមប្រជាពលរដ្ឋដែលជាអតិថិជនបាននាំគ្នារំសាយត្រឡប់ទៅកាន់លំនៅឋានរៀងៗខ្លួនវិញអស់ផងដែរ ៕ ដោយ៖កូឡាប
