ភ្នំពេញ ៖ លោកវីល្លាម សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក បានដាក់លិខិតស្នេីសុំរួចហើយ ដើម្បីសុំការឯកភាពពីសម្ដេចតេជោ ក្នុងការអញ្ជេីញរដ្ឋមន្ត្រី២រូប មកចូលរួមបំភ្លឺក្នុងកិច្ចប្រជុំរបស់ឧត្តមក្រុមប្រឹក្សាពិគ្រោះនិងផ្ដល់យោបល់ បន្ទាប់ពីក្រុមការងារយេីងខ្ញុំបានស្រាវជ្រាវពិនិត្យឃេីញភាពមិនប្រក្រតី និងភាពអវិជ្ជមានមួយចំនួននៅក្រោមសមត្ថកិច្ចគ្រប់គ្រងរបស់ក្រសួងទាំង២នេះ។ លោកវីលាម ប្រកាសបែបនេះ តាមរយៈហ្វេសប៊ុក ផ្លូវការនៅថ្ងៃទី 30 ខែមេសា។
បើតាមលោកវីល្លាម បានលើកឡើងថា ឯកឧត្តមរដ្ឋមន្ត្រីពីររូបដែលបានត្រូវអញ្ជើញនោះដើម្បីបំភ្លឺនៅក្នុងកិច្ចប្រជុំសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ ពេលខាងមុខនោះគឺសម្ដេចពិជ័យសេនាទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ និងលោកសាស្ត្រចារ្យម៉ម ប៊ុនហេង រដ្ឋមន្ត្រីក្រសួងសុខាភិបាល ដោយប្រធានបទជាមួយក្រសួងសុខាភិបាល មានដូចជាបញ្ហាក្រមសីលធម៌គ្រូពេទ្យ , ការគ្រប់គ្រងធូររលុងលេីគ្លីនិកឯកជន , ការខ្វះទំនួលខុសត្រូវចំពោះការព្យាបាលអ្នកជំងឺរបស់គ្លីនិកឯកជន , ការលំហូរចូលនូវឱសថក្លែងក្លាយដែលប៉ះពាល់សុខភាព , ដែលសុទ្ធសឹងជាហេតុនាំអោយពលរដ្ឋដែលជាអ្នកទទួលយកសេវាធារណៈ សេវាឯកជនពីវិស័យសុខាភិបាលកេីតក្ដីមិនពេញចិត្តនិងរិះគន់ និងប្រធានបទជាមួយនិងក្រសួងការពារ មានដូចជាការកាត់ប្រាក់បៀវត្តន៍យោធិនមិនប្រក្រតី ,ការកិបកេងយករបបឧបត្ថមយោធិន ,មេយោធាប្រេីអំណាចខុសប្រក្រតី . បញ្ហាបក្សពួកសែស្រឡាយសណ្ដោងកូនបង្កេីតមកធ្វេីការក្រោមបង្គាប់ ជាដើម ដែលសុទ្ធសឹងជាហេតុនាំអោយប៉ះពាល់ដល់ទឹកចិត្តកងទ័ព ប៉ះពាល់ដល់ស្មារតីអង់អាចរបស់កងទ័ព ៕ ដោយ ៖ បញ្ញាស័ក្តិ