ភ្នំពេញ៖ លោកអភិបាលសាលារាជធានីភ្នំពេញ បានសុំឲ្យអ្នកលក់ឳសថទាំងអស់នៅរាជធានីភ្នំពេញ ត្រូវយកចិត្តគិតទៅដល់សុខភាពប្រជាជន សូមកុំគិតតែពិប្រាក់ចំណូលរបស់ខ្លួន ហើយអ្នកដែលគ្មាន វិជ្ជាជីវៈពេទ្យមេត្តាកុំចេញមុខមកលក់ឳសថឲ្យសោះ។
ក្នុងពិធីប្រគល់វិញ្ញាបនបត្របញ្ជាក់ការសិក្សាដល់សមាជិកសមាគមអ្នកលក់ឱសថកម្ពិជា ជំនាន់ទី៣ កាលពីថ្ងៃទី២៤ខែធ្នូ នៅមហោស្រពចេនឡា លោក ឃួង ស្រេង អភិបាលសាលារាជធានីភ្នំពេញ ថ្លែងថា “ឳសថគឺជាអាវុធមុខពីរ បើអ្នកលក់មិនមានការប្រុងប្រយ័ត្នទេ នោះនឹងធ្វើឲ្យមានការប៉ះពាល់ដល់សុខភាពសាធារណៈ ដូច្នេះអ្នកលក់ទាំងឡាយ ត្រូវធ្វើការងារដោយវិជ្ជាជីវៈ និងទៅតាមនីតិវិធីរបស់ក្រសួងសុខាភិបាល ក៏ដូចជាមន្ទីរសុខាភិបាល។ លោកបន្តថា ចំពោះអ្នកលក់ ឳសថ កុំគិតតែពីប្រាក់ចំណូល តែត្រូវគិតពីសុខភាពប្រជាជនជាធំ។
លោកឃួង ស្រេង បានលើកឡើងថា ក្នុងនាមរដ្ឋបាលរាធានីភ្នំពេញ គាំទ្រយ៉ាងពេញទំហឹងចំពោះប្រមុខរាជរដ្ឋាភិបាលកម្ពុជាដែលដឹកនាំមកនូវសន្តិភាព ជូនប្រជាជនខ្មែរទាំងមូល គឺសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ លោក ឃួង ស្រេង បានថ្លែងទៀតថា កន្លងមកនេះ រដ្ឋាភិបាលកម្ពុជា តាមរយៈក្រសួងសុខាភិបាល រដ្ឋបាលរាជធានីភ្នំពេញបានបន្តខិតខំយកចិត្តទុកដាក់ លុបបំបាត់ក្រុមហ៊ុឳសថ និងឳសថស្ថាន ដែលមិនគោរពច្បាប់របស់ក្រសួង ដូចជាលក់ឳសថអត់មានលេខបញ្ជីកា ផ្សព្វផ្សាយឳសថគ្មានច្បាប់អនុញ្ញាត និងចុះស្រាវជ្រាវ ដកហូតឳសថក្លែងក្លាយ ឳសថខុសច្បាប់ ឳសថដែលមានការហាមឃាត់ ឳសថដែលមានគុណភាពអន់ និងផុតកំណត់ការប្រើប្រាស់ ដើម្បីយកទៅបំផ្លាញចោល។
លោកឃួង ស្រេង អភិបាលរាជធានីភ្នំពេញ បានមានប្រសាសន៍ថា កន្លងមកនេះ រាជរដ្ឋាភិបាលកម្ពុជា តាមរយៈក្រសួងសុខាភិបាល រដ្ឋបាលរាជធានីភ្នំពេញ បានបន្តខិតខំយកចិត្តទុកដាក់លុបបំបាត់ក្រុមហ៊ុនឱសថ និងឱសថស្ថាន ដែលមិនគោរពច្បាប់របស់ក្រសួង ដូចជាលក់ឱសថអប់មានលេខបញ្ជីកា ផ្សព្វផ្សាយឱសថគ្មានច្បាប់អនុញ្ញាត និងចុះស្រាវជ្រាវដកហូតឱសថ ក្លែងក្លាយឱសថខុសច្បាប់ ឱសថដែលមានការហាមឃាត់ ឱសថដែលមានគុណភាពអន់ និងផុតកំណត់ការប្រើប្រាស់ ដើម្បីយកទៅបំផ្លាញចោល។
លោកអភិបាលរាជធានី បានស្នើឲ្យសមាជិក សមាជិកាសមាគម យកចំណេះដឹងដែលទទួលបាន ទៅអនុវត្តប្រកបដោយសីលធម៌ វិជ្ជាជីវៈ និងមានប្រសិទ្ធភាព ក្នុងការបម្រើសេវាសុខាភិបាល សុខុមាលភាពជូនប្រជាពលរដ្ឋ ដើម្បីកាត់បន្ថយនូវភាពអសកម្មនិងហានិភ័យជាយថាហេតុដែលកើតចេញពីការប្រើប្រាស់ឱសថ ដូចជាឱសថក្លែងក្លាយ ឱសថខុសច្បាប់ ឱសថដែលមានការហាមឃាត់ ឱសថដែលមានគុណភាពអន់ និងផុតកំណត់ប្រើប្រាស់ដែលនេះជាកត្តាសត្យានុម័ត មិនអាចប្រកែកបាន។
ដើម្បីចូលរួមលើកកម្ពស់សុខុមាលភាព និងពង្រីកសេវាសុខាភិបាលប្រកបដោយគុណភាព ប្រសិទ្ធភាពជូនប្រជាពលរដ្ឋ លោកឃួង ស្រេង បានថ្លែងបន្តថា ត្រូវបង្កើនគុណភាពនៃការបណ្តុះបណ្តាលមមូលដ្ឋានដល់ម្ចាស់ អ្នកគ្រប់គ្រងទូទៅ អ្នកលក់ឱសថ អាហារបំប៉នសុខភាព និងគ្រឿងសំអាងបន្តទៀត។ បន្តជំរុញ និងក្រើនរំលឹកដល់ឱសថការីទាំងអស់ ត្រូវពិនិត្យឱសថឲ្យបានល្អិតល្អន់ មុននឹងលក់ឱសថ ដល់អ្នកជំងឺ និងគោរពច្បាប់ មុនបើកលក់ឱសថ ជាពិសេសទៀត ការទុកដាក់ឱសថត្រូវស្ថិតនៅកន្លែងមានសុវត្ថិភាព និងស្ថិតក្នុងសីតុណ្ហភាព ចន្លោះពី២០អង្សាទៅ២៥អង្សា។ ត្រូវរក្សាតម្លៃឱសថដែលបានដាក់លក់ឲ្យមានតម្លៃដូចគ្នា នៅតាមឱសថស្ថានទាំងអស់។ ត្រូវបន្តចុះស្រាវជ្រាវនិងដកហូតឱសថក្លែងក្លាយ ឱសថខុសច្បាប់ ឱសថដែលមានការហាមឃាត់ ឱសថដែលមានគុណភាពអន់ និងផុតកំណត់ការប្រើប្រាស់ និងបន្តរឹតបន្តឹងការអនុវត្តច្បាប់ និងគ្រប់គ្រងឱសថស្ថានរដ្ឋ ឯកជន ឲ្យបានត្រឹមត្រូវ៕ ដោយ៖កូឡាប