កណ្តាល ៖ នគរបាលស្រុកអង្គស្នល បានរាយការណ៍ថា មានករណីគ្រោះថ្នាក់ចរាចរណ៍រវាងរថយន្ត និង ម៉ូតូ បណ្ដាលឲ្យស្លាប់៤នាក់ ប្រុស២នាក់នៅនឹងកន្លែងកើតហេតុ បណ្ដាលឲ្យខូចខាតម៉ូតូ១គ្រឿង និងរថយន្ត១ គ្រឿងបន្តិចបន្តួច កាលពីថ្ងៃទីអាទិត្យ ទី២៤ ខែធ្នូ ឆ្នាំ២០១៧ វេលាម៉ោង១៦៖៣០នាទី ចំណុចភូមិព្រៃគោ ឃុំលំហាច ស្រុកអង្គស្នួល ខេត្តកណ្ដាល ផ្លូវជាតិលេខ៤១ ។
ប្រភពដដែល បានបន្តថា មានរថយន្ត១គ្រឿង នីសសាន់ប្រភេទបែន ពណ៌ខៀវពាក់ផ្លាកលេខ ភ្នំពេញ៣A ២៧៧៧ បើកបរដោយឈ្មោះ សេង ចាន់ឌឿន ភេទប្រុស អាយុ ២៣ មុខរបរ ទីលំនៅភូមិព្រពាំងស្យា ឃុំ ស្វាយរំពារ ស្រុកបរសេដ្ឋ ខេត្តកំពង់ស្ពឺ ដែលបើកពីទិសខាងជើងទៅទិសខាងត្បូង (ថ្នល់ទទឹងទៅកំពង់ត្រាំ )លុះដល់ចំណុចកើតហេតុខាងលើ បានបុកម៉ូតូមួយគ្រឿង ហុងដា ១២៥ ពណ៌ខ្មៅ ពាក់ផ្លាកលេខភ្នំពេញ 1CW-4614 បើកបរដោយឈ្មោះម៉ន ជីមី ភេទប្រុស អាយុ២៦ឆ្នាំមុខរប កម្មករ ( ពាក់មួកសុវត្ថិភាព ) បានឌុប ប្រពន្ធ កូន និងក្មួយ ទី១ ឈ្មោះ ហៀង គឹមសាន ភេទស្រី អាយុ២៤ឆ្នាំ មុខរបកម្មករ ត្រូវជាប្រពន្ធ ( ពាក់មួកសុវត្ថិភាព ) ទី២ ឈ្មោះ ម៉ន សម្បត្តិ អាយុ២ឆ្នាំ ត្រូវជាកូន ក្នុងបន្ទុក ទី៣ ឈ្មោះ ខេម ស្រីម៉ី អាយុ ៩ឆ្នាំ ត្រូវជាក្មួយ ( ពាក់មួកសុវត្ថិភាព )អ្នកទាំងបួន មានទីលំនៅភូមិត្រពាំងសុក្រម ឃុំបែកចាន ស្រុកអង្គស្នួល ខេត្តកណ្ដាល បើកពីទិសខាងត្បូងទៅទិសខាងជើង ក្នុងទិសដៅកំពង់ត្រាំទៅថ្នល់ទទឹង ក្នុងទិសដៅបញ្ច្រាសទិសគ្នា ។ ចំពោះអ្នកបើកបរកម្លាំងជំនាញបានឃាត់ខ្លួន យកមក អធិការដ្ឋាន និងធ្វើតេស្តទឹកនោម ជាលទ្ធផល ពុំមានសារធាតុញឿនក្នុងខ្លួននោះទេ។ នគរបាលបានធ្វើសេចក្តីសន្និដ្ឋាន ករណីនេះបណ្តាលមកពីអ្នកបើកបររថយន្តមិនប្រកាន់ស្ដាំ និងអ្នកបើកបរម៉ូតូ បើកបរក្នុងល្បឿនលឿនវ៉ាជែងក្នុងស្ថានភាព គ្រោះថ្នាក់ ។ ក្រោយពេលកើតហេតុជំនាញ បានប្រមូលមធ្យោបាយ ដែលពាក់ព័ន្ធមករក្សាទុកនៅអធិការដ្ឋាន ដើម្បីកសាងសំណុំរឿតាមនិតិវិធីច្បាប់ ៕ ដោយ ៖ បញ្ញាស័ក្តិ
