កំពង់ស្ពឺ ៖ ករណីជនជាតិ ឥណ្តូនេស៊ីម្នាក់ស្លាប់ ដោយសារតែការឆ្វេសប្រហែសស្ទួចម៉ាសុីនឡានខូចយកទៅជួស ជុល ដាក់លើឡានរអិលម៉ាសុីនថយក្រោយគៀបជាប់និងជញ្ជាំងឡានស្លាប់ភ្លាមៗមួយរំពេច កាលពីថ្ងៃទី០២.ឧសភាឆ្នំា២០១៩ វេលាម៉ោង ១៤,៣០នាទី នៅចំណុចក្រុមហ៊ុនកិនថ្ម HTTK ស្ថិតនៅភូមិ ព្រៃវាវ ឃុំធម្មតាអរ ស្រុកសំរោងទង ខេត្តកំពង់ស្ពឺ។
តាមការបញ្ជាក់អោយដឹងពីជំនាញនគរបាលខេត្ដនិងនគរ បាលស្រុកសំរោងទង ជនរងគ្រោះមានឈ្មោះ SAHID ភេទ ប្រុស អាយុ ៤៣ឆ្នាំ មុខរបរ ជាងម៉ាស៊ីន ជនជាតិ ឥណ្ឌូនេស៊ី មុនកើតហេតុ ជនរងគ្រោះបានប្រើឲ្យឈ្មោះ ផន ផល្លា ភេទប្រុស អាយុ ២២ឆ្នាំ បើកឡានចាំដឹកម៉ាស៊ីនឡានខូចយកទៅដាក់ក្នុងរោងជាង ដើម្បីជួសជុលដោយមានឈ្មោះ ឃឹម សៀ ហៅយុង ភេទប្រុសអាយុ ៤២ឆ្នាំ អ្នកបើកគ្រឿងចក្រ (អាអិច)ស្ទូចម៉ាស៊ីន ដាក់លើឡាន ហើយជនរងគ្រោះ និងឈ្មោះ សូ ថា ភេទប្រុស អាយុ ៥៣ឆ្នាំ មុខរបរ កម្មករ អ្នករៀបចំស៊ីញ៉ូ ស្ទួចម៉ាស៊ីនដាក់លើឡានត្រឹមត្រូវ។ ក្រោយមកជនរងគ្រោះប្រើឲ្យឈ្មោះ សូ ថា ចុះពីលើឡានវិញ ដោយជនរងគ្រោះជា អ្នកឈរទប់ ម៉ាស៊ីនម្នាក់ឯង ពេលដល់ក្នុងរោងជាងឈ្មោះ សូ ថា បានឡើងលើឡានយកខ្សែកាបកៅឡាក់ បំរុង ស្ទួចម៉ាសុីនចុះស្រាប់តែ ឃើញ ជនរងគ្រោះ គៀបម៉ាស៊ីនជាប់ខ្ទុប និងជញ្ជាំងឡាន បណ្តាលឲ្យស្លាប់។
ក្រោយពីការពិនិត្យនិងស្រាវជ្រាវស៊ើបអង្កេត ករណីគ្រោះថ្នាក់ខាងលេីនេះ បណ្ដាលមកពីកត្ដាឆ្វេសប្រហែសពីជនរងគ្រោះ ” ម៉ាស៊ីនឡានរអិលមកគៀបជាប់និងជញ្ជាំងឡាន ” បច្ចុប្បន្នសាកសពបានប្រគល់ជូនជំនាញដេីម្បីចាត់ចែងតាមនីតិវិធី ជូនក្រុមគ្រួសារនិងសាច់ញាតិ៕ ដោយ៖បញ្ញាស័ក្តិ