ជាទូទៅសត្វដែលមានជំងឺហ្សែនប្រភេទនេះ ច្រើនងាប់ក្នុងពោះម្តាយ ឬក្រោយពេលកើតមិនបានយូរឡើយ ប៉ុន្តែ Bettie Bee-ឈ្មោះរបស់ឆ្មានេះ បែរជារស់រានមានជីវិតយ៉ាងល្អប្រពៃទៅវិញ។
១២ថ្ងៃមុននេះ ម្ចាស់របស់ Bettie ពិតជាស្វាយមុខ ពេលឃើញមេឆ្មារបស់ខ្លួន បានកើតមកមានច្រមុះ២ មាត់២ និងភ្នែក៣ ។
ហេតុការណ៍នេះកើតឡើងនៅ Eastern Cape, ប្រទេសអាមេរិកខាងត្បូង ។ ម្តាយរបស់ Bettie កើតបានកូនឆ្មា៣ ប៉ុន្តែមានតែ Bettie មានលក្ខណៈពិសេសដូចពោលខាងលើ។ សភាពបែបនេះរបស់វា ធ្វើឲ្យម្ចាស់មានការបារម្ភដោយសារវាអាចងាប់ព្រោះអត់អាហារ។
តាមពេទ្យសត្វនោះសភាពរបស់ Bettie វានឹងកាន់តែអាក្រក់ឡើងៗ។ ទោះយ៉ាងណាម្ចាស់របស់វាបានបញ្ជូន Bettie ទៅមជ្ឈមណ្ឌលថែទាំសត្វឆ្មាដើម្បីទទួលការជួយសង្ក្រោះ។ នៅទីនោះគេបានឲ្យ Bettie ស៊ីចំណីអាហារដោយបំពង់២ ហើយមាត់របស់វាសុទ្ធសឹងតែមានសកម្មភាពតាមមុខងាររបស់វា ជាហេតុនាំឲ្យសុខភាពវាប្រសើរឡើងៗ។
Bettie ត្រូវបានគេហៅថា “ឆ្មា Janus” ដែលដាក់រហស្សនាមតាមលំនាំឈ្មោះរបស់អាទិទេព រ៉ូម៉ាំងមានមុខ២ ។
បើតាម Theo Newsweek នោះ ដោយសារមានប្រភេទប្រូតេអ៊ីនមួយឈ្មោះថា SHH ធ្វើអន្តាគមន៍ទៅលើហ្សែន ជាហេតុនាំឲ្យវាមានមុខចម្លែកបែបនេះ ជាធម្មតាសត្វដែលមានជំងឺប្រភេទនេះច្រើនងាប់ក្នុងពោះមេវា ឬក្រោយពេលកើត តែ Bettie បែរជារស់រានមានជីវិត និងសុខភាពល្អទៅវិញ៕ អាទិត្យ
