នាយករដ្ឋមន្ត្រីរបស់ប្រទេសញូវស៊ីឡែន Jacinda Ardern បានភ្ជាប់ពាក្យជាមួយនឹងអតីតដៃគូពិធីករទូរទស្សន៍របស់គាត់ឈ្មោះ Clarke Gayford ។
លោក Andrew Campbell ប្រធានអ្នកនាំពាក្យរបស់អ្នកស្រី Jacinda Ardern បានថ្លែងបញ្ជាក់ប្រាប់ CNN ថា គូស្នេហ៍ទាំង ២បានភ្ជាប់ពាក្យនៅថ្ងៃបុណ្យ Easter កាលពីខែមុន។ ប៉ុន្តែលោកបញ្ជាក់ថា មិនទាន់មានពត៌មានលំអិតនោះឡើយ។
គូស្នេហ៍ទាំង ២មានកូនម្នាក់រួចមកហើយ មុនពេលពិធីភ្ជាប់ពាក្យរបស់ពួកគេ។ កូនស្រីពួកគេមានឈ្មោះថា Neve Te Aroha Ardern Gayford ដែលបានកើតកាលពីខែមិថុនា ឆ្នាំមុន។
សូមបញ្ជាក់ថា អ្នកស្រី Jacinda Ardern វ័យ ៣៨ឆ្នាំ បានក្លាយទៅជានាយករដ្ឋមន្ត្រីវ័យក្មេងបំផុតរបស់ប្រទេសញូវស៊ីឡែន ក្នុងរយៈពេល ១៥០ចុងក្រោយនេះ និងជាមេដឹកនាំពិភពលោកដំបូងក្នុងរយៈពេល ៣០ចុងក្រោយនេះ ដែលមានបុត្រក្នុងកំឡុងពេលកាន់តំណែង៕ អត្ថបទប្រែសម្រួលដោយ៖ សុភ័ក្រ
ប្រភព៖ CNN