ខេត្តស្វាយរៀង ៖ អគារប៉ុស្តិ៍រដ្ឋបាលឃុំជ្រុងពពេលនៃអធិការដ្ឋាននគរបាលស្រុករំដួលខេត្តស្វាយរៀងត្រូវបានធ្វើពិធីបញ្ចុះបឋមសីលានៅព្រឹកថ្ងៃទី ៣ ខែឧសភា ឆ្នាំ២០១៩ ក្រោមអធីបតីភាពឯកឧត្តមហែម ពិសិដ្ឋអភិបាលរងខេត្តស្វាយរៀងនិងលោកឧត្តមសេនីយ៍ទោ កឹង ឃន ស្នងការដ្ឋាននគរបាលខេត្តស្វាយរៀង ។
បើតាមលោកឧត្តមសេនីយ៍ទោកឹង ឃនស្នងការនគរបាលខេត្តបានអោយដឹថានៅព្រឹកមានការពិធីក្រុងពាលី បញ្ចុះបឋមសិលាសាងសង់អគារប៉ុស្តិ៍នគរបាលរដ្ឋបាលឃុំជ្រុងពពេល នៃអធិការដ្ឋាននគរបាលស្រុករំដួល ស្ថិតក្នុងភូមិត្រពាំងក្រែត ឃុំជ្រុងពពេល ស្រុករំដួល ដែលអគារប៉ុស្តិ៍មានទំហំ ៧,៧ គុណ ១៣ ម៉ែត្រ តម្លៃ ១៥,០០០ ដុល្លារ ដែលជាអំណោយដ៏ថ្លៃថ្លារបស់លោកជំទាវកិតិ្តសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភានិង អធិការកិច្ច តាមរយះឯកឧត្តមហែម ពិសិដ្ឋ អភិបាលរង អភិបាលខេត្តស្វាយរៀង ។
លោកឧត្តមសេនីយ៍ទោ កឹង ឃន បានបញ្ជាក់ថាការគិតគូរពីសុខទុកនិងកន្លែងធ្វើការសមរម្យរបស់កងកម្លាំងគឺបានផ្តល់កម្លាំងចិត្តក្នុងការពារសន្តិសុខសណ្តាប់ធ្នាប់កាន់តែមានប្រសិទ្ធភាពជូនពលរដ្ឋនៅមូលដ្ឋាន។
លោកឧត្តមសេនីយ៍ទោកឹង ឃនក៏បានថ្លែងអំណរគុណដល់លោកស្រីកិត្តិសង្គហបណ្ឌិតម៉ែន សំអននិងលោកនាយឧត្តមសេនីយ៍សន្តិបណ្ឌិតនេត សាវឿន និងថ្នាក់ដឹកនាំខេត្តតែងតែគិតគូរពីសុខទុករបស់កម្លាំងទាំងនគរបាលនិងកម្លាំងផ្សេងៗទៀតនិងបានជួយកសាងប៉ុស្តិរដ្ឋបាល អគារអធិការដ្ឋាន នានានៅខេត្តស្វាយរៀងផងដែរ។
ក្នុងនោះលោកស្នងការបានកោតសើរដល់ការខិតខំប្រឹងប្រែងដល់កម្លាំងនគរបាលយើងដែលបានអនុវត្តការងារបានល្អប្រសើរនាពេលកន្លងមក ហើយកងកម្លាំងនគរបាលគ្រប់ជាន់ថ្នាក់ ពិសេសប៉ុស្តិ៍នគរបាលរដ្ឋបាល ត្រូវចូលរួមការពារសុខសន្តិភាព ត្រូវមានឥរិយាបទទន់ភ្លន់ជាមួយប្រជាពលរដ្ឋ ផ្តល់សេវាប្រជាពលរដ្ឋឲ្យបានទាន់ពេលវេលា និងត្រូវបន្តការអនុវត្តគោលនយោបាយភូមិ-ឃុំមានសុវត្ថិភាព៕ ដោយ ៖ វ៉ៃកូ