តាកែវ ៖ គ្រួសារតូចមួយជាជនពិការ នៅភូមិស្នោ សង្កាត់រកាក្នុង ក្រុងដូនកែវ ខំរកស៊ីយ៉ាងត្រដាបត្រដួសពីរនាក់ប្តីប្រពន្ធ ជាង ១០ឆ្នាំ បានលុយជិត ២ម៉ឺនដុល្លារ បំរុងនិងយកលុយធ្វើផ្ទះ តែជាអកុសល្យត្រូវចោរឬស្យា លួចហែកជញ្ជាំង កាប់គាស់ទូរយកលុយអស់រលីងគ្មានសល់ ។
ឥឡូវពួកគាត់រួមជាមួយកូនលើកដៃសំពះស្នើសុំអោយសមត្ថកិច្ចមេត្តាជួយតាមចាប់ចោរអោយបាន ព្រោះក្តីសង្ឃឹមរបស់គាត់ទាំងប៉ុន្មានត្រូវបានរលាយអស់ ដោយសារតែការឆ្វេសប្រហែសទុកលុយក្នុងផ្ទះតូចមួយ ។ ហេតុការណ៍ចោរលួចចូលគាស់ផ្ទះយកលុយអស់ជិត ២ម៉ឺនដុល្លារនេះ កើតឡើងកាលពីថ្ងៃទី ២៨ ខែមេសា ឆ្នាំ២០១៩ ហើយឥឡូវនេះ ទាំងសមត្ថកិច្ចក្រុង និងនគរបាលជំនាញលោកកំពុងតែដុតដៃ ដុតជើង ធ្វើការស្រាវជ្រាវ និងអង្កេត ដើម្បីតាមចាប់ចោរអោយបានយកមកចាត់ការតាមនីតិវិធី ។
សូមបងៗសមត្ថកិច្ចជួយគ្នាផង ព្រោះអាណិតគាត់ណាស់ជាជនពិការផង តស៊ូរកស៊ីទម្រាំសន្សំលុយបានមិនដឹងជាលំបាកយ៉ាងណាទេ ៕ ដោយ ៖ តាកែវ
