តាកែវ ៖ ជើងខ្លាំងហ៊ានបាញ់តដៃជាមួយនិងសមត្ថកិច្ចក្នុងពេលកំលាំងជំនាញចុះបង្ក្រាបករណីជួញដូរគ្រឿងញៀននៅស្រុកបាទី ត្រូវបានបញ្ជូនទៅតុលការហើយនៅរសៀលថ្ងៃ០៥ ខែឧសភា ឆ្នាំ២០១៩នេះ ។
លោកឧត្តមសេនីយ៏ទោ សុខ សំណាង បានអោយដឹងថា ក្នុងការចុះបង្ក្រាបនេះដែកំម្លាំងនគរបាលក្រសួងមហាផ្ទៃ សហការជាមួយ កំម្លាំងនគរបាលស្នងការដ្ឋាននគរបាលខេត្តតាកែវ ដឹកនាំបញ្ជាផ្ទាល់ដោយ រូបលោក បានចុះបង្ក្រាបករណីជួញដូរគ្រឿងញៀនមួយទ្រុងទ្រាយធំ ឋិតនៅគោលដៅភូមិក្រាំងក្រចាង ខាងជើងវត្តពោធិ ឃុំពារាម ស្រុកបាទី ខេត្តតាកែវ កាលពីថ្ងៃទី ០៤ ខែឧសភា ឆ្នាំ ២០១៩ ។
ដោយក្នុងពេលចុះបង្ក្រាបនៅផ្ទះរបស់ជនសង្ស័យកំពុងស្នាក់នៅនោះ ស្រាប់តែជនល្មើសមានអាវុធ បាញ់មកលើសមត្ថកិច្ចរបស់យើង តែមិនបណ្តាលអោយមានរបួសស្នាមអ្វីលើសមត្ថកិច្ច ភ្លាមនោះកំលាំងរបស់យើងក៏បានផ្ទុះអាវុធឡើងលើជាច្រើនគ្រាប់ផងដែរ ដើម្បីគម្រាមជនសង្ស័យវិញរួចក៏ធ្វើការដកថយសិន រួចលោមព័ទ្ធទីតាំងរងចាំកងកំលាំងអន្តរាមគន៏ពិសេសរបស់ក្រសួងមហាផ្ទៃចុះ យើងបានរៀបចំផែនការថ្មីក្នុងការចូលបង្ក្រាប ដោយប្រើពេលអស់មួយកំណាត់ថ្ងៃទើបអាចឃាត់ខ្លួនជនសង្ស័យបានម្នាក់។ ជនសង្ស័យដែលឃាត់ខ្លួនបានមានឈ្មោះ យឹម វណ្ណឌី ភេទ ប្រុស អាយុ ២២ ឆ្នាំ ស្រុកកំណើតភូមិដូង ឃុំដូង ស្រុកបាទី ខេត្តតាកែវ និងដកហូតវត្ថុតាងមាន កាំភ្លើងខ្លី១ដើម ដាវសាម៉ូរៃ២ដើម ទូរស័ព្ទ៤គ្រឿង ស្នាប់ដៃ១ នឹងដកហូតបានថ្នាំញៀនមួយចំនួន ៕ ដោយ ៖ តាកែវ