ភ្នំពេញ ៖ ក្រសួងធនធានទឹកនិងឧតុនិយមបានចេញសេចក្តីជូនដំណឹង៖ ស្តីពី ស្ថានភាពអាកាសធាតុ ចាប់ពីថ្ងៃទី 6 ដល់ថ្ងៃទី 12 ខែឧសភាឆ្នាំ 2019។
ក្រសួងធនធានទឹកបានលើកឡើងថា បន្ទាប់ពីការតាមដាន លើការវិវត្តអាកាសធាតុជាប្រចាំ បង្ហាញឲ្យឃើញថា កម្ពុជាយើងនៅតែបន្តស្ថិតក្នុងដំណាក់កាលអន្តរកាល ឆ្លងពីរដូវប្រាំងចូលរដូវវស្សា។ ជ្រលងសម្ពាធទាប បានអូសបន្លាយលើកម្ពុជា ទន្ទឹមនឹងចលនាខ្យល់ បានប្ដូរទិសមករកភាពវិជ្ជមាន។ ស្អែកមើលស្ថានភាពបែបនេះ នឹងធ្វើឲ្យមានភ្លៀងធ្លាក់ជាបន្តបន្ទាប់។ ក្នុងកម្រិតខ្សោយទៅបង្គួរតែអាចកន្លែងខ្លះមានភ្លៀងច្រើន អាភាពរាយប៉ាយមិនទាន់ល្អប្រសើរនៅឡើយ ទន្ទឹមនោះបាតុភូតផ្គររន្ទះនិងខ្យល់កន្ត្រាក់ នៅតែបន្តជាការគំរាមកំហែងដដែល។ សីតុណ្ហភាពអតិបរមា ជាមធ្យមមានពី 34 ទៅ 37 អង្សាសេ។ មកដល់ពេលនេះ កាន់តែបង្ហាញឲ្យឃើញថា រដូវវស្សាដែលឈានចូលមកដល់ នៅដើមសប្តាហ៍ទី 3 នៃខែឧសភា ខាងមុខនេះ។
ក្រសួងធនធានទឹក បានបញ្ជាក់ប្រាប់សាធារណជនថា មានការប្រុងប្រយ័ត្នខ្ពស់ ចំពោះបាតុភូតផ្គររន្ទះនិងខ្យល់កន្ត្រាក់៕ ដោយ៖កូឡាប
