កោះកុង ៖ ស្នងការដ្ឋាននគរបាលខេត្តកោះកុង បានឲ្យដឹងថា នៅវេលាម៉ោង ១៣និង១០នាទីរសៀល នាថ្ងៃទី ០៥ ខែឧសភា ឆ្នាំ២០១៩ មានករណីគ្រោះថ្នាក់ចរាចរណ៍ កើតឡើងលើផ្លូវជាតិលេខ ៤៨ ចន្លោះបង្គោលគីឡូម៉ែតលេខ ៤៨-៤៩ ជិតគល់ស្ពានអណ្តូងទឹក ស្ថិតក្នុងភូមិអណ្តូងទឹក ឃុំអណ្តូងទឹក ស្រុកបូទុមសាគរ ខេត្តកោះកុង បង្កឡើងដោយរថយន្ត ០១ គ្រឿង Land cruser ឆ្នាំ២០១១ ពណ៌ខ្មៅ ពាក់ស្លាកលេខ ភ្នំពេញ 2R ៩៧៩៨ បើកបរដោយឈ្មោះ ផន ឆៃហួត ភេទប្រុស អាយុ ២១ឆ្នាំ ជនជាតិខ្មែរ មានទីលំនៅភូមិប៉ប្រក សង្កាត់កាកាប ខណ្ឌ័ពោធិសែនជ័យ រាជធានីភ្នំពេញ បានបុកម៉ូតូ ០១គ្រឿង Honda ឆ្នាំ២០១៨ ពណ៌ខ្មៅ ( គ្មានស្លាកលេខ ) បើកបរដោយឈ្មោះ ហាង ហាន ភេទប្រុស អាយុ ៤២ឆ្នាំ ជនជាតិខ្មែរ មានទីលំនៅ ភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង ( ស្លាប់នៅកន្លែងកើតហេតុ ) បណ្តាលអោយស្លាប់មនុស្ស ០១នាក់ ប្រុស ។
នគរបាលមូលដ្ឋានបានឲ្យដឹងថា មូលហេតុ ៖ អ្នកបើកបរបង្ករ ធ្វេសប្រហែស ខ្វះការប្រុងប្រយត្ន័ ។
បច្ចុប្បន្ន សាកសពបានប្រគល់អោយក្រុមគ្រួសារ យកទៅធ្វើបុណ្យតាមប្រពៃណី ចំណែក ជនបង្កររថយន្ត យើងយកមករក្សាទុកនៅអធិការដ្ឋាន ដើម្បីរងចាំការដោះស្រាយ ៕ ដោយ ៖ កូឡាប
