សហរដ្ឋអាមេរិចបានបញ្ជូននាវាដឹកយន្តហោះចំបាំងទៅកាន់មជ្ឍិមបូព៌ា ដើម្បីផ្ញើសារព្រមានដល់របបអ៊ឺរ៉ុង។
ការបញ្ជូននាវាចំបាំងនេះគឺធ្វើឡើងតាមការអះអាងថា អាចនឹងមានការវាយប្រហារទៅលើកងកម្លាំងសហរដ្ឋអាមេរិច។ នេះបើតាមភ្នាក់ងារសារពត៌មាន Reuters ដកស្រងសម្តីរបស់មន្ត្រីអាមេរិចដែលមិនបញ្ចេញឈ្មោះ ។
លោក John Bolton ទីប្រឹក្សាសន្តិសុខជាតិរបស់អាមេរិច បាននិយាយថា ពួកគេនឹងធ្វើការវាយប្រហារតបវិញដោយឥតឈប់ឈរឡើយ។
នៅក្នុងសេចក្តីប្រកាស លោក John Bolton បានថ្លែងថា “សហរដ្ឋអាមេរិចកំពុងបញ្ជូននាវាផ្ទុកយន្តហោះ USS Abraham Lincoln និងយន្តហោះទម្លាក់គ្រាប់បែក ទៅកាន់តំបន់បញ្ជាការកណ្តាល ដើម្បីផ្ញើសារឲ្យបានច្បាស់ ទៅកាន់របបអ៊ីរ៉ងថា រាល់ការវាយប្រហារទាំងឡើយលើផលប្រយោជន៍របស់អាមេរិច ឬលើសម្ព័នមិត្តអាមេរិច នឹងត្រូវ រងការវាយបកវិញ”។
លោកថ្លែងបន្ថែមថា “អាមេរិចមិនមែនកំពុងបង្កើតសង្គ្រាមជាមួយរបបអ៊ីរ៉ងទេ ប៉ុន្តែពួកយើងបានត្រៀមខ្លួនរួចរាល់ហើយដើម្បីឆ្លើយតបដល់រាល់ការវាយប្រហារ ដែលធ្វើឡើងដោយក្រុមតំណាង កងកម្លាំងបដិវត្តន៍អ៊ីស្លាម ឬក៏កងកម្លាំងអ៊ីរ៉ង”។
សូមបញ្ជាក់ថា នេះមិនមែនជាលើកទី ១នោះទេដែរអាមេរិចបានបញ្ជូននាវាផ្ទុកយន្តហោះចំបាំងទៅកាន់ឈូងសមុទ្រ។ ការបញ្ជូននេះ កើតឡើងក្រោយពេលមានភាពតានតឹងកើនឡើងយ៉ាងខ្លាំង រវាងអាមេរិច និងអ៊ីរ៉ង ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC