ខេត្តព្រះសីហនុ ៖ សមត្ថកិច្ចនគរបាលខេត្តព្រះសីហនុ បានស្ទាក់ឃាត់ខ្លួនជនសង្ស័យជនជាតិចិន២នាក់ បានភ្លាមៗ ក្រោយបាញ់សម្លាប់ជនជាតិចិនដូចគ្នា ហើយទម្លាក់ពីរថយន្ត នៅចំណុចនៅមុខសណ្ឋាគាខ្សាច់ស ក្នុងសង្កាត់លេខ៤ ក្រុង-ខេត្តព្រះសីហនុ នៅម៉ោង៣ និង៣០នាទីរសៀល ថ្ងៃទី៦ ខែឧសភា ឆ្នាំ២០១៩នេះ។
សមត្ថកិច្ចនគរបាលខេត្តព្រះសីហនុ បានឲ្យដឹងថា នៅម៉ោង ៣ និង៣០នាទីរសៀលថ្ងៃទី៦ ខែឧសភា មានករណីផ្ទុះអាវុធមួយ នៅទល់មុខសណ្ឋាគាខ្សាច់ស ស្ថិតក្នុងសង្កាត់លេខ៤ ក្រុងព្រះសីហនុ បណ្តាលឲ្យបុរសជនជាតិចិនម្នាក់ បានស្លាប់នៅនឹងកន្លែង។
ចំណែកជនសង្ស័យបាញ់សម្លាប់ជនជាតិចិនដូចគ្នា នោះ ជិះរថយន្តម៉ាក Highlander ពាក់ស្លាកលេខភ្នំពេញ 2K-3970។
យ៉ាងនេះក្តី រហូតមកដល់ពេលនេះ សមត្ថកិច្ច នៃស្នងការដ្ឋាននគរបាលខេត្តព្រះសីហនុ នៅមិនទាន់ដឹងមូលហេតុច្បាស់លាស់ នៃករណីឃាតកម្មខាងលើនេះនៅឡើយទេ។ ហើយពេលនេះ កម្លាំងនគរជំនាញកំពុងសាកសួរជនសង្ស័យ ដែលសមត្ថកិច្ច បានឃាត់ខ្លួន៕ ដោយ៖ ដែន សីមា