យន្តហោះឯកជនមួយគ្រឿងបានធ្លាក់នៅតំបន់ភ្នំ ស្ថិតក្នុងប្រទេសមិចស៊ិចកូ បណ្តាលឲ្យមនុស្សចំនួន ១៣នាក់ដែលនៅលើយន្តហោះ ស្លាប់ទាំងអស់។ នេះបើតាមការបញ្ជាក់របស់អាជ្ញាធរកាលពីថ្ងៃច័ន្ទម្សិលមិញនេះ។
ក្នុងចំណោមជនរងគ្រោះ មាន ៥នាក់ជាសមាជិកគ្រួសារតែមួយ ដែលពួកគេបានធ្វើដំណើរត្រឡប់មកវិញ ពីការទស្សនាការប្រកួតប្រដាល់នៅទីក្រុង Las Vegas កាលពីថ្ងៃអាទិត្យ។
បំណែកយន្តហោះ ត្រូវបានគេមើលតាមឃើញរយៈការឈ្លបមើលតាមដែនអាកាស ស្ថិតនៅទីក្រុង Ocampo។
ប្រព័ន្ធផ្សព្វផ្សាយមិចស៊ិចកូ បានធ្វើការរាយការណ៍ថា អ្នកដំណើរទាំងអស់បានធ្វើដំណើរទៅមើលការប្រកួតរវាងកីឡាករមិចស៊ិច Saul Canelo Alvarez ប្រកួតទល់នឹងកីឡាករអាមេរិច Daniel Jacobs កាលពីថ្ងៃអាទិត្យស្ថិតក្នុងទីក្រុង Las Vegas។
អត្តសញ្ញាណរបស់ជនរងគ្រោះមិនទាន់ត្រូវបានគេដឹងច្បាស់នៅឡើយទេ។ ជនរងគ្រោះមានអាយុចន្លោះ ១៩ ទៅដល់ ៥៧ឆ្នាំ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia