ព្រះសីហនុ ៖ បុគ្គលិក កម្មករ បម្រើការនៅកាសុីណូ តុងហ្វាមិងជូ អតីតសណ្ឋាគារតោមាស ក្រុងព្រះសីហនុ នាំគ្នាតវ៉ានៅខាងមុខកន្លែង ធ្វើការវេលាម៉ោងជាង៩យប់ថ្ងៃ៧ឧសភា២០១៩នេះ ដោយសារ ខាងក្រុមហ៊ុន មិនព្រមដោះស្រាយកន្លែងស្នាក់នៅ , មិនដោះស្រាយឲ្យ មានទឹកសម្រាប់បុគ្គលិកប្រើប្រាស់ ព្រមទាំងមិនទូទាត់ប្រាក់បន្ថែមបំណាច់ឆ្នាំជាដើម។
បើតាមការអះអាងពីបុគ្គលិកអ្នកតវ៉ាថា ខាងក្រុមហ៊ុនមិនព្រមដោះស្រាយ កន្លែងស្នាក់នៅ , មិនដោះស្រាយអោយ មានទឹកសម្រាប់បុគ្គលិកប្រើប្រាស់ ព្រមទាំងមិនទូទាត់ប្រាក់បន្ថែម បំណាច់ឆ្នាំជាដើម និងថាក្រោយមានសំណើបែបនេះ ខាងក្រុមហ៊ុនបែរជាបណ្តេញ មិនអោយបុគ្គលិកចូលធ្វើការទៅវិញ ហើយករណីនេះ សមត្ថកិច្ចកំពុង សម្របសម្រួលដោះស្រាយ។ ភ្លាមៗនៅមិនទាន់ស្វែងរកការបញ្ជាក់ ពីខាងក្រុមហ៊ុន ទៅលើការអះអាង ពីបងប្អូនបុគ្គលិកអ្នកតវ៉ា និងរបាយការណ៍ បញ្ជាក់ពីសមត្ថកិច្ចនៅឡើយ៕ ដោយ៖ស្រីនាថ
