ព្រះសីហនុ ៖ នៅព្រឹកថ្ងៃទី០៨ ខែឧសភា ឆ្នាំ២០១៩ មានករណីគ្រោះថ្នាក់ចរាចរណ៍មួយ បានកើតឡើងលើផ្លូវ២ធ្នូ ត្រង់ចំណុចជិតរង្វង់មូល ៧ជាន់ចាស់ ស្ថិតនៅក្នុងភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ បណ្តាលឲ្យមនុស្សម្នាក់ ស្លាប់។
សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ បានបង្កដោយខ្លួនឯង ម៉ូតូ ០១គ្រឿង ម៉ាក HONDA AREBLADE ពណ៌ ក្រហម-ខ្មៅ គ្មានផ្លាកលេខ បើកបរដោយឈ្មោះ LI YOUPAN ភេទប្រុស អាយុ ២៥ឆ្នាំ ជនជាតិ ចិន (មិនទាន់ស្គាល់លិខិតឆ្លងដែន កំពុងស្រាវជ្រាវរក) មានទិសដៅពីលិច ឆ្ពោះទៅកើត លុះដល់ចំណុចខាងលើ បានបុកនិងខឿនពុះចែកផ្លូវ បណ្ដាលឲ្យផ្លោងមនុស្សទៅលើសួន និងម៉ូតូខ្ទាតទៅខាងស្តាំដៃ បណ្ដាលឲ្យស្លាប់មនុស្សចំនួន ០១នាក់ ជនជាតិ ចិន នៅនឹងកន្លែងកើតហេតុ។
បច្ចុប្បន្នសមត្ថកិច្ចបានយកសាកសព ទៅតម្កល់ទុកនៅមន្ទីរពេទ្យបង្អែកខេត្តព្រះសីហនុ រង់ចាំស្រាវជ្រាវរកក្រុមគ្រួសារ និងស្ថានទូតសាម៉ី៕ ដោយ ៖ ស្រីនាថ
