ប្រទេសឥណ្ឌូនេសនឹងធ្វើការដាក់ពង្រាយកងកម្លាំង និងប៉ូលីសចំនួន ៤៥០.០០០ទូទាំងប្រទេស ដើម្បីទប់ស្កាត់កុប្បកម្មដែលអាចកើតមានឡើងក្នុងថ្ងៃប្រកាសលទ្ធផលបោះឆ្នោតផ្លូវការ នៅថ្ងៃទី ២២ ខែឧសភានេះ។ នេះបើតាមការបញ្ជាក់របស់មេបញ្ជាការយោធាឥណ្ឌូនេស៊ី Hadi Tjahjanto បញ្ជាក់កាលពីថ្ងៃអង្គារម្សិលមិញនេះ។
លោកបានថ្លែងថា “ការបង្កហេតុ និងការចែកចាយពត៌មានមិនពិតនៅលើបណ្តាណសង្គមមានការកើនឡើងយ៉ាងខ្លាំងបច្ចុប្បន្ននេះ ហើយវាអាចនឹងធ្វើឲ្យឈានដល់ការតវ៉ា និងការវាយប្រហារផ្សេងៗទៅលើអាគារគណៈកម្មាការបោះឆ្នោតជាតិ”។
ក្រៅពីធ្វើការដាក់ពង្រាយកងកម្លាំងនៅគ្រប់តំបន់ទូទាំងប្រទេស កងកម្លាំងយោធារៀបចំប្រដាប់ប្រដាយោធាឲ្យបានគ្រប់គ្រង ដើម្បីចាត់វិធានការការពារលទ្ធផលបោះឆ្នោត។
សូមបញ្ជាក់ថា បច្ចុប្បន្ននេះ ការរាប់សន្លឹកឆ្នោតនៅក្នុងប្រទេសឥណ្ឌូនេសបានសម្រេចចំនួន ៧០ភាគរយ ហើយយោងតាមលទ្ធផលនេះ ប្រធានាធិបតីបច្ចុប្បន្ន Joko Widodo ទទួលបានសំឡេងឆ្នោតគាំទ្រចំនួន ៥៦,២៧ភាគរយ ខណៈដែលគូបដិបក្សរបស់លោក ឈ្មោះ Prabowo Subianto ទើបតែទទួលបានសំឡេងគាំទ្រចំនួន ៤៣,៧៣ភាគរយប៉ុណ្ណោះ៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua