ស្ទឹងត្រែង ៖ មេខ្លោងចែកចាយគ្រឿងញៀនជនជាតិឡាវម្នាក់ ដែលនាំថ្នាំញៀនជាង១គីឡូក្រាម ឆ្លងដែនចូលកម្ពុជា ត្រូវកងកម្លាំងកងរាជអាវុធហត្ថខេត្តស្ទឹងត្រែង នៅរសៀលថ្ងៃទី០៨ ខែឧសភា ឆ្នាំ២០១៩នេះ នៅចំណុចស្ពានទី២ ភូមិខាំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង។
បើតាមសេចក្ដីរាយការណ៍ មេខ្លោងជួញដូរគ្រឿងញៀនឆ្លងដែន ឈ្មោះ ជឿ ហាយ អាយុ៣៣ឆ្នាំ ជនជាតិឡាវ មុខរបរធ្វើចំការ ទីលំនៅភូមិចាំម៉ឺយ ស្រុកភុងសាលី ខេត្តភុងសាលី (ប្រទេសឡាវ) ក្នុងសមត្ថកិច្ចចាប់យកវត្ថុតាងរួមមាន ថ្នាំញៀនប្រភេទមេតំហ្វតាមីន (ice) ១ កញ្ចប់ធំ ទម្ងន់សុទ្ធ ១០០២,៥ ក្រាម, ទូរស័ព្ទដៃ ១ គ្រឿង, កាបូបស្ពាយ ១ ។
វត្ថុតាង និងជនសង្ស័យកំពុងឃាត់ និងរក្សាទុក ក្នុងបញ្ជាការដ្ឋានកងរាជអាវុធហត្ថខេត្ត ដើម្បីការិយាល័យជំនាញកសាងសំណុំរឿង បញ្ជូនទៅសាលាដំបូងតាមនីតិវិធី ៕ ដោយ ៖ បញ្ញាស័ក្តិ
