ក្រសួងពាណិជ្ជកម្មចិនបានថ្លែងថា ចិននឹងចាត់វិធានការតបវិញ ប្រសិនជាអាមេរិចចាប់អនុវត្តការដំឡើងពន្ធលើផលិផលរបស់ចិន នៅថ្ងៃសុក្រនេះ។
ការព្រមានពីវិធានការសងសឹករបស់ចិនកើតឡើង ក្រោយពេលមន្ត្រីចិន និងអាមេរិចកំពុងរៀបចំជួបពិភាក្សាគ្នាលើកិច្ចព្រមព្រៀងពាណិជ្ជកម្ម។
កាលពីថ្ងៃពុធកន្លងទៅនេះ ប្រធានាធិបតីអាមេរិច ដូណាល់ ត្រាំ បានថ្លែងថា អនុនាយករដ្ឋមន្ត្រីចិន Liu He កំពុងមកកាន់អាមេរិច ដើម្បីបង្កើតកិច្ចព្រមព្រៀង ហើយបញ្ជាក់ថា ពួកយើងនឹងចាំមើលពីលទ្ធផល។
កាលពីថ្ងៃអាទិត្យ លោកត្រាំ បានថ្លែងនៅលើ Twitter ថា អាមេរិចនឹងដំឡើងពន្ធទ្វេដងលើផលិតផលចិនដែលមានតម្លៃជាទឹកប្រាក់ ២០០ពាន់លានដុល្លា ហើយការដំឡើងនោះនឹងធ្វើឡើងភ្លាមៗតែម្តង។
លោកបញ្ជាក់ដូច្នេះថា “ពន្ធនាំចូលចំនួន ១០ភាគរយ អាចនឹងឡើងដល់ ២៥ភាគរយនៅថ្ងៃសុក្រ ហើយទំនិញមិនគិតពន្ធដែលមានតម្លៃជាទឹកប្រាក់ចំនួន ៣២៥ពាន់លានដុល្លា ក៏អាចប្រឈមនឹងការយកពន្ធចំនួន ២៥ភាគរយដែរនាពេលបន្តិចទៀត”៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
