ភ្នំពេញ ៖ លោកស្រីរ៉ូណាស្មីត អ្នករាយការណ៍ពិសេសអង្គការសហប្រជាជាតិស្ដីពី ស្ថានភាពសិទ្ធិមនុស្សនៅកម្ពុជា បានចេញសេចក្តីថ្លែងការណ៍បញ្ចប់បេសកកម្មនៅលើទឹកដីកម្ពុជាកាលពីថ្ងៃទី ១០-២៩ ខែឧសភាឆ្នាំ ២០១៩ ។
នៅក្នុងរបាយការណ៍ ១៤ ទំព័រលោកស្រីរ៉ូណាស្មីតបានបញ្ជាក់ថា ៖ ខ្ញុំបានបញ្ចប់បេសកកម្មលើកទី ៧ របស់ខ្ញុំក្នុងនាមជាអ្នករាយការណ៍ពិសេសអង្គការសហប្រជាជាតិស្ដីពីស្ថានភាពសិទ្ធិមនុស្សនៅកម្ពុជា ។ លោកស្រីថ្លែងអំណរគុណដល់រដ្ឋាភិបាលដែលបានអញ្ជើញខ្ញុំមកបំពេញទស្សនកិច្ចនៅទីនេះនិងឆន្ទៈរបស់មន្ត្រីរាជរដ្ឋាភិបាលជាច្រើនរូបដែលបានយកព្រមចូលប្រជុំជាមួយខ្ញុំនឹងពិភាក្សាដោយបើកចំហអំពីសិទ្ធិមនុស្សនិងការអភិវឌ្ឍន៍ប្រកបដោយចីរភាពនៅប្រទេសកម្ពុជា។
លោកស្រីបានសំដែងនូវក្តីរីករាយដែលបានឃើញរដ្ឋមន្ត្រីជាន់ខ្ពស់ជាច្រើននៃរាជរដ្ឋាភិបាល បានយកឱកាសចែករំលែកព័ត៌មានពីវឌ្ឍនភាពក្នុងការឆ្លើយតបទៅនឹងអនុសាសន៍កន្លងមករបស់ខ្ញុំ ក៏ដូចជាធ្វើបច្ចុប្បន្នភាព ស្ថានភាពវិវឌ្ឍន៍រាប់ចាប់តាំងពីបេសកកម្មលើកមុនរបស់ខ្ញុំ។ ក៏បានជួបប្រជុំផងដែរ ជាមួយអ្នកពាក់ព័ន្ធជាច្រើនរូប រួមទាំងតំណាងអង្គការសង្គមស៊ីវិលសហគមន៍ការទូត និងក្រុមអង្គការសហប្រជាជាតិប្រចាំកម្ពុជា។ លើសពីនេះនេះខ្ញុំបានជួបជាមួយប្រជាពលរដ្ឋនិងក្រុមប្រជាជនមួយចំនួនដែលបានដាក់ញត្តិឲ្យបានស្នើសុំជួបប្រជុំជាមួយខ្ញុំ ដែលភាគច្រើននៃអ្នកទាំងនោះពាក់ព័ន្ធនឹងដីធ្លីអ្នកដទៃទៀតទាក់ទងទៅនឹងសេរីភាពក្នុងការបញ្ចេញមតិការជួបប្រជុំ ៕ ដោយ ៖ កូឡាប
ខាងក្រោមនេះជារបាយការណ៍ ១៤ ទំព័រ ៖
