កំពង់ស្ពឺ ៖ កាលពីម៉ោង១៣និង៤០នាទី ថ្ងៃទី១១ ខែឧសភា ឆ្នាំ២០១៩ មានករ ណីគ្រោះថ្នាក់ចរាចរណ៍រវាងរថយន្ដដឹកទំនិញបុករថយន្ដ ប្រភេទតូរីស នៅលេីផ្លូវជាតិលេខ៥១ ចំណុចរោងចក្រព្រៃឡ ភូមិស្រះកែវ ឃុំវាំងចាស់ ស្រុកឧដុង្គ ខេត្តកំពង់ស្ពឺ តាមព័ត៌មានបឋមពីអធិការស្រុកឧដុង្គ ថាមានអ្នករងរបួសធ្ងន់ ស្រាល ១១នាក់ កំពុងជួយសង្គ្រោះនិងបញ្ជូនទៅកាន់មន្ទីរពេទ្យ។
ករណីគ្រោះថ្នាក់ចរាចរណ៍មួយកើតឡើងរវាងរថយន្តនិងរថយន្តបើកបញ្ច្រាសទិសគ្នា បង្កឡើងដោយរថយន្តម៉ាក HYUNDAI ប្រភេទ(ភ្លៅ2)ពណ៌ស ពាក់ស្លា កភ្នំពេញ 3D.1820 ធ្វើដំណើរពីត្បូងទៅជើង លុះមកដល់ចំណុចខាងលើ បែកកង់រួចរេចង្កូតទៅបុករថយន្តម៉ាកសាំយ៉ុង ពណ៌លឿង ពាក់ស្លាកភ្នំពេញ 2Y.7394 បើកបរដោយឈ្មោះ សេង ហៀង ភេទប្រុស អាយុ 54ឆ្នាំនៅភូមិព្រែកប្រសព្វ ឃុំព្រះប្រសព្វ ស្រុកព្រែកប្រសព្វ ខេត្កក្រចេះ បណ្ដាលឲ្យអ្នកដំណើរក្នុងរថយន្ដតូរីស រងរបួសធ្ងន់ ស្រា ល ចំនួន ១១នាក់ ស្រី ៧នាក់។
តាមការបញ្ជាក់ពីមន្ត្រីជំនាញចរាចរណ៍បានឲ្យដឹងថា គ្រោះថ្នាក់ចរាចរណ៍ខាងលើគឺមកពីអ្នកបើកបររថយន្ត HYUN DAI បាបាត់ម្ចាស់ការនៅពេលដែលមានឧប្បទ្ទវហេតុចៃដន្យកើតឡើង ចំណែកអ្នកបើកបរបានរត់គេចខ្លួនបាត់ អ្នកដំណើរដែលរងរបួស ជិះក្នុងរថយន្ដ សាំងយ៉ុងទាំង១១នាក់ ត្រូវបានរថយន្តសង្គ្រោះបន្ទាន់ បញ្ជូនទៅកាន់មន្ទីរពេទ្យបង្អែកស្រុកឧដុង្គនិងទៅរាជធានីភ្នំពេញបន្ដ។
បច្ចុប្បន្នសមត្ថកិច្ចនគរបាលចរាចរណ៍ កំពុងជួយសម្រួលការងារនិងស្ទួចយកមធ្យោបាយបង្កទាំង២គ្រឿង យកមករក្សាទុកនៅអធិការដ្ឋាននគរបាលស្រុកឧដុង្គ កសាងសំណុំរឿង បញ្ជូនទៅកាន់ ការិ.ចរាចរណ៍ខេត្ដ និងស្រាវជ្រាវរកអ្នកបើកបររថយន្ដបង្ក ដើម្បីចាត់ការតាមនីតិវិធីច្បាប់ ៕