ភ្នំពេញ ៖ មន្ទីរប្រឆាំងគ្រឿងញៀន កាលពីថ្ងៃទី១៣ឧសភា បានប្រកាសឲ្យដឹងថា កាលពីថ្ងៃទី១១ ខែឧសភា ឆ្នាំ២០១៩ វេលាម៉ោង ២២ និង០០នាទី កម្លាំងជំនាញ(ក៦) នៃមន្ទីរប្រឆាំងគ្រឿងញៀន បង្ក្រាបករណីជួញដូរគ្រឿងញៀនខុសច្បាប់ នៅចំណុចផ្ទះជួលលេខ 2D ភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
មន្ត្រីនគរបាលបានអិយដឹងថា ក្នុងប្រតិបត្តិការខាងលើសមត្ថកិច្ចបានឃាត់ខ្លួនជនសង្ស័យម្នាក់ឈ្មោះ អន ធី ភេទប្រុស ជនជាតិខ្មែរ កើតឆ្នាំ១៩៩២។
ដកហូតវត្ថុតាង៖ គ្រឿងញៀន សរុបទម្ងន់ ១០២១.៣៩ ក្រាម ក្នុងនោះ ១.មេតំហ្វេតាមីន (ICE) 758,2g ២.អ៊ិចស្តាស៊ី (MDMA) 235,74g ៣.កេតាមីន(Ketamine) 0,45g និងជញ្ជីងថ្លឹង គ្រឿងញៀន ៣គ្រឿង។ បច្ចុប្បន្នសមត្ថកិច្ចកំពុងសួរចម្លើយ រកបក្ខពួក និងកសាងសំណុំរឿងដើម្បីចាត់ការតាមនីតិវិធី ៕ ដោយ ៖ កូឡាប
