ភ្នំពេញ ៖ ដោយមានការឯកភាពពីប្រមុខរាជរដ្ឋាភិបាល សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ក្រសួងពាណិជ្ជកម្ម មានកិត្តិយសបានរៀបចំ «វេទិកាធុរកិច្ចកម្ពុជា-នេប៉ាល់» ដើម្បីជំរុញកិច្ចសហប្រតិបត្តិការផ្នែកធុរកិច្ចរវាងវិស័យឯកជននៃប្រទេសទាំងពីរ ឱ្យកាន់តែប្រសើរឡើងថែមទៀត ខណៈបច្ចុប្បន្នទំហំពាណិជ្ជកម្មទ្វេភាគី នៅមានកម្រិតតិចតួចបំផុត កាលពីរសៀលថ្ងៃទី 14 ខែឧសភា ឆ្នាំ 2019 នៅរាជធានីភ្នំពេញ ។
សេចក្តីប្រកាសព័ត៌មាន ស្តីពី «វេទិកាធុរកិច្ចកម្ពុជា-នេប៉ាល់» បានបញ្ជាក់ថា ទំនាក់ទំនងរវាងព្រះរាជាណាចក្រកម្ពុជា និងសាធារណរដ្ឋសហព័ន្ធប្រជាធិបតេយ្យនេប៉ាល់ បានជាងដល់ដំណាក់កាលថ្មីមួយទៀតគឺបន្តពង្រីកនិងពង្រឹងកិច្ចសហប្រតិបត្តិការគ្រប់វិស័យដើម្បីជំរុញការអភិវឌ្ឍកំណើនសេដ្ឋកិច្ចពាណិជ្ជកម្មទ្វេភាគីនិងបម្រើឧត្តមប្រយោជន៍រួមរបស់ប្រជាជននៃប្រទេសទាំងពីរនេះបើតាមការប្រាប់ណាចិត្តរបស់ប្រមុខរដ្ឋាភិបាលនៃប្រទេសកម្ពុជានិងនេប៉ាល់។
នៅក្នុងវេទិកាធុរកិច្ចកម្ពុជានេប៉ាល់ ដែលរៀបចំឡើងនៅឯសណ្ឋាគារសុខារាជធានីភ្នំពេញនារសៀលថ្ងៃទីខែឧសភាឆ្នាំ 2019 សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងអំពីវឌ្ឍនភាពសំខាន់ៗនៅកម្ពុជាពាក់ព័ន្ធនឹងការឡានុវត្តភាពធុរកិច្ចនិងវិនិយោគព្រមទាំងបានសន្យាផ្ដល់ជូនវិនិយោគិនគ្រប់រូប នៅបរិស្ថានធុរកិច្ចប្រកបដោយភាពអំណោយផលជាពិសេសសន្តិភាពសន្តិសុខនិងស្ថិរភាពនយោបាយម៉ាក្រូសេដ្ឋកិច្ចក្របខ័ណ្ឌច្បាប់និងស្ថាប័នរន្ធប្រហោងដោយប្រសិទ្ធភាពគណនេយ្យភាពនិងភាពអាចប៉ាន់ប្រមាណបាន។
“សូមអំពាវនាវដល់វិស័យឯកជននិងអ្នកវិនិយោគនេប៉ាល់ ដែលមិនបានមកកម្ពុជាសូមអញ្ជើញមកសិក្សាស្វែងយល់ពីសក្តានុពល និងកាលានុវត្តភាពធុរកិច្ចនៅកម្ពុជាព្រមទាំងសម្រេចចិត្តបណ្ដាក់ទុនវិនិយោគដើម្បីចូលរួមអភិវឌ្ឍប្រទេសកម្ពុជាជាមួយនិងទាញយកផលប្រយោជន៍ជាអតិបរមាពីកិច្ចសហប្រតិបត្តិការពាណិជ្ជកម្មនិងវិនិយោគនៃប្រទេសទាំងពីរ” សម្ដេចតេជោនាយករដ្ឋមន្ត្រីបានបញ្ជាក់៕ ដោយ ៖ កូឡាប
