ភ្នំពេញ ៖ នៅលើបណ្ដាញសង្គមហ្វេសប៊ុកពេលប៉ុន្មានថ្ងៃចុងក្រោយនេះ បានផ្សព្វផ្សាយព័ត៌មានយ៉ាងក្រក្រើកពីករណីក្រុមហ៊ុនកាត់លើសាច់ផ្លូវជាតិលេខ 2 ចាប់ពីក្បាលថ្នល់ រហូតដល់មុខសាលាខេត្តកណ្ដាល ដើម្បីដាក់លូរំដោះទឹកភ្លៀង ដែលធ្វើឲ្យខូចខាតផ្លូវត្រូវប្រជាពលរដ្ឋរិះគន់ថាផ្លូវធ្វើស្អាតហើយមកកាត់ដាក់លូ ធ្វើមិនចេះចប់មិនចេះហើយ ដោយបណ្ដាញសង្គមបញ្ជាក់ថា “ធ្វើផ្លូវក្រាលកៅស៊ូឡើងស្អាត យ៉ាងរឹងមាំ តែអនិច្ចាផ្លូវទើបធ្វើរួច ត្រូវបានក្រុមជំនាញខាងលូ កាត់និងគាស់ចេញដើម្បីដាក់លូម្តង។ អនិច្ចាលុយពន្ធដែលយើងខ្ញុំប្រឹងបង់ជូនលោក ហេតុអ្វីលោកធ្វើគម្រោងអ្វីមួយមិនពិគ្រោះគ្នាអីចឹងលោក? និយាយមែន ខ្ញុំពិតជាមិនយល់សោះ។ ហើយអាពេលធ្វើលើកដំបូងម៉េចមិនគិតគូរឲ្យចាំតែទឹកដល់ច្រមុះបានធ្វើ បង្កការកកស្ទះ”។
ក្រុមបណ្ដាញសង្គមហ្វេសប៊ុកបានលើកឡើងថែមទៀតថា ល្មមយកដៃគងថ្ងាសដេកគិតមើលទៅ ហេតុផលមិនសមល្មមសោះ រៀនទទួលយកមតិរិះគន់ពីប្រជាពលរដ្ធខ្លះផងទៅ ពលរដ្ឋចង់ឲ្យល្អទេ រឿងធ្វើផ្លូវដាក់លូ ធ្វើលូកាយផ្លូវនឹង ធ្វើសួនអត់រត់ទុយោទឹកមុន ល្មមកែហើយ ហើយតាំងមកលេសនេះលេសនោះមកបកស្រាយ សួរថាមុននឹងលើកគម្រោ ងធ្វើផ្លូវឬអគារអីមួយមានដែលមានអ្នកជំនាញបច្ចេកទេស លើកពីផលប៉ះពាល់បច្ចុប្បន្នឬអនាគតអត់ឬមួយក៏ធ្វើសិនចាំពេលមានបព្ហាកើតឡើងចាំដោះស្រាយដូចរាល់ថ្ងៃ ត្រូវចាំថារបស់អស់នេះ វាមិនជាប់ល្អដូចយើងធ្វើដំបូងទេ វាមិនសុីគ្នាទេជាក់ស្ដែងដូចផ្លូវជាតិលេខ 6A ចុះពីជ្រោយចង្វាទៅ មួយទៀតផ្លូវបេតុងជាប់ផ្លូវរថភ្លើងចេញពីព្រលានយន្តហោះ ធ្វើមិនទាន់បាន 2 ឆ្នាំស្រួលបួលផង ខូចបាត់ រួចចាប់ផ្ដើមជុសជុល ទី1 អស់លុយ ទី2 ធ្វើវាមិនជាប់ដូចដើម ហើយមួយទៀតអារឿងធ្វើសួនច្បារអត់រត់ទុយោទឹក សម័យនេះហើយនៅប្រើមនុស្សឬឡានទឹកដើរបាញ់ទៀត ខាតតាលុយ អត់មានមើលគេជិតខាង គេដើរដល់ណាហើយ កុំចូលចិត្តប្រៀបធៀបជាមួយសម័យប៉ុលពត វាមិនទៅមុខទេ។
ខ្ញុំតាំងពីកើតពីពោះម៉ាក់ខ្ញុំម៉ោ ខ្ញុំមិនដែលឃើញធ្វើ ផ្លូវជាប់អ៊ីចឹងទេ ម៉ែអាណា ធើផ្លូវឡើងស្អាត បានបីខែកាយកៅស៊ូថ្នល់ ដើម្បីដាក់លូ អ៊ីជុយ រៀនមកពីប្រទេសណា? អាមេរិកមែន? នែ! ខ្ញុំប្រាប់ ផ្លូវចូលទៅបន្ទប់ទឹក ឬ បង្គន់អាចម៌ របស់សាំងហ្គាពួរ វាស្អាត…… រលោង….គ្មានដីដូចផ្លូវជាតិយើងទេ ក្រហេងក្រហូង ជិះយប់តែមិនស្រួលចូលជង្ហុកចង់បាក់ក។ បើថាធ្វើ រឿងប៉ុណ្ណឹងមិនកើត ទុកឱកាសឲ្យ ក្មេងជំនាន់ក្រោយគេធ្វើ ហើយល្មមចូលនិវត្តន៍ទៅ កុំឲ្យ ខាតថវិកាជាតិច្រើនពេក មួយឆ្នាំៗលុយពន្ធមិនចេះតិច សេដ្ឋកិច្ចជាតិនៅរហាមដដែល ពន្ធម៉ូតូ ពន្ធឡាន ពន្ធផ្សេងៗទៀត សព្វសារពើ….។ ហើយហាមតបខមិន ព្រោះពាក្យដដែល ខ្ជិលស្ដាប់ណាស់ ហើយចុះបើដឹងថាលូនឹងវាតូច មិនព្រមដូរលូឲ្យ ហើយចាំធ្វើ ផ្លូវ នឹងហើយ អាគូរមុនគិតវាអ៊ីចឹង គេសួរ គេបញ្ចេញយោបល់ ដល់ពេលតបមកវិញ មានដូចខាងក្រោម ៖
ផ្លូវនេះ ស្ថាបនាគ្រឹះថ្នល់កាលពី ២៤ឆ្នាំមុន ឯខ្សែអគ្គិសនីតង់ស្យុងខ្ពស់ក្រោមដីលើចិញ្ចើមថ្នល់មានតាំងពីសម័យសង្គមរាស្ត្រនិយមមកម្លេះ។
បណ្តាញលូចាស់ ពុកផុយ លូតូចទំហំ ០.៣ម អាយុកាលជាង ៥០ឆ្នាំ ដែលធ្វើអោយផ្លូវនេះតែងតែលិចទឹកនៅរដូវវស្សា ។ បំពង់លូតូច ០,៣ម៉ែត្រ នេះ ដាក់ពីលើខ្សែអគ្គិសនីក្រោមដី ប៉ុន្តែនៅពេលប្តូរទៅជាលូធំទំហំ ១ម៉ែត្រ វិញយើងជួបបញ្ហាផលប៉ះពាល់ខ្សែអគ្គិសនីនេះ។ សូមយោគយល់អធ្យាស្រ័យ ។
បណ្ដាញសង្គមបានបន្ថែមថា ហើយពេលចុះធ្វើផ្លូវ ម៉េចមិន រៀបច្យំ ហើយ ដល់ពេលធ្វើផ្លូវហើយទើបនឹកឃើញ ។ តើសង្ឃឹមថាក្រុមហ៊ុននោះធ្វើដូចដើមតាមស្តង់ដារ ឬ ក៏ធ្វើមួយដៃមួយជើងឲ្យ តែរួច? តើពេលណាទើបបញ្ចប់វប្បធម៌ពុករលួយនេះ? ដល់ពេលគេរិះគន់តាំងចោទគេជាពួកប្រឆាំង ។
សុំសួរ មួយសំណួរ ទៅកាន់ក្រសួង មន្ទីរសាធារណការ និង ដឹកជញ្ជូន និង សាលារាជធានីភ្នំពេញ ” បើសិនជាថ្ងៃណាមួយ មានការប្រកួតជ្រើសរើសមហាវិថី ឬ វិថី ដែលមានស្តង់ដារបច្ចេកទេស និង សោភ័ណភាពល្អបំផុតប្រចាំទី្វបអាស៊ី តើ ក្រសួង មន្ទីរ និង សាលារាជធានី នឹងធ្វើការជ្រើសរើសវិថីណាទៅ ដាក់ប្រកួត?? ”
លើកក្រោយអ្នកធ្វើផ្លូវនិងអ្នកធ្វើលូ ជាក្រុមតែមួយទៅ បើអ៊ីចឹង ធ្វើផ្លូវ១លានផ្លូវទៀត អ្នកធ្វើលូកាយតែផ្លូវខូចដដែលៗ។
អរគុណចំពោះការបកស្រាយ តែវាមិនមែនមានតែមួយករណីនឹងទេ។ សូមមេត្តាធ្វើអ្វីមួយដោយមាន Master Plan ត្រឹមត្រូវ យកលុយរាស្ត្រទៅចាយឲ្យ មានតម្លៃ។ សូមអរគុណ។
ជាធម្មតារាល់ការសាងសង់ផ្លូវថ្នល់នៅស្រុកយើង ហាក់ដូចមិនមានចក្ខុវិស័យវែងឆ្ងាយសោះ។ ផ្លូវមួយខ្សែៗមិនដឹងពង្រីក និងដាក់លូប៉ុន្មានដងទេ? ធ្វើផ្លូវដល់ខាងមុខខូចខាងក្រោយ ផ្លូវមួយខ្សែកាយបេតុងចាក់កៅស៊ូ រួចឈុសកៅស៊ូចាក់បេតុងវិញ តួយ៉ាងកំណាត់ផ្លូវលេខ៦A។ រាល់ការសាងសង់ ដូចជាគ្មានការសិក្សាឲ្យបានជាក់លាក់សោះ។
សូមកុំអោយមានបែបទៀតលោកឯកឧត្តម ឯកឧត្តម មុននឹងធ្វើសូមគិតសូមវិភាគឲ្យបានគ្រប់ជ្រុងជ្រោយផង ព្រោះលោកឯកឧត្តម ឯកឧត្តមសុទ្ធតែជាបណ្ឌិត អ្នកខ្លះបានសញ្ញាបត្រមកពីក្រៅទៀតផង សូមលោកឯកឧត្តមឯកឧត្តម មេត្តារៀបចំឲ្យ ចប់សព្វមុននឹងផ្លូវនីមួយៗ ស្រុកខ្មែរមានបែបនឹងច្រើនណាស់ ខាតលុយរដ្ឋមិនស្ទើរទេ…។
ជាមួយនឹងការរិះគន់របស់សាធារណជនលើបណ្ដាញសង្គមហ្វេសប៊ុកកន្លងមកកាលពីថ្ងៃទី 14 ខែឧសភាឆ្នាំ 2019 មន្ទីរសាធារណការ និងដឹកជញ្ជូនរាជធានីភ្នំពេញ ដែលមានលោកសាំ ពិសិដ្ឋ ជាប្រធាន បានចេញមុខបកស្រាយ និងពន្យល់ នៅលើផេកហ្វេសប៊ុកផ្លូវការរបស់ខ្លួនថា “ដោយសារផលប៉ះពាល់ដោយបណ្តាញខ្សែកាបអគ្គិសនីក្រោមដីតង់ស្យុងខ្ពស់ បង្គោលអគ្គិសនី ដើមឈើ និងបំពង់មេរដ្ឋាករទឹករត់នៅក្រោមចិញ្ចើមផ្លូវជាតិលេខ ២ ចាក់អង្រែ ការដ្ឋានដាក់បណ្តាញលូមេមិនអាចដាក់ក្រោម ចិញ្ចើមផ្លូវបានលើកំណាត់ចិញ្ចើមផ្លូវប្រវែង ៦៥០ម៉ែត្រ នៃប្រវែងដាក់លូសរុប ៤២០០ម៉ែត្រ ដោយពង្វាងការដាក់លូក្នុងសាច់ផ្លូវវិញ ។ ដើម្បីចៀសវាងផលប៉ះពាល់ដាច់ចរន្តអគ្គសនី ក្នុងរាជធានីភ្នំពេញដែលបណ្តាលមកពីការរុះរើ បណ្តាញអគ្គិសនីក្រោមដីតង់ស្យុងខ្ពស់ ការចំណាយថវិកាអស់ច្រើន ពេលវេលាយូរ និងដើម្បីជំរុញការដោះស្រាយបញ្ហាទឹកលិចធ្ងន់ធ្ងរឲ្យ ទាន់ក្នុងរដូវវស្សានេះ ក្រុមហ៊ុនម៉ៅការសាងសង់ បានស្នើសុំដាក់លូក្នុងសាច់ផ្លូវដោយធានាជួសជុលឲ្យ បានដូចដើម ឯការចំណាយជាបន្ទុករបស់ក្រុមហ៊ុនផ្ទាល់ ។ អាស្រ័យហេតុនេះ សូមបងប្អូនប្រជាពលរដ្ឋមេត្តាជ្រាបជាព័ត៌មាន”៕ ដោយ ៖ បញ្ញាស័ក្តិ