បាត់ដំបង ៖ នគរបាលស្រុកសំពៅលូន និងនគរបាលស្រុកសំឡូតបានចេញប្រតិបត្តិការបង្ក្រាបករណីគ្រឿងញៀនចំនួន២ករណីផ្សេងគ្នាដោយ ឃាត់ខ្លួនជនសង្ស័យចំនួន៣នាក់និងដកហូតវត្ថតាង គ្រឿងញៀនមួយចំនួន រួមជាមួយនឹងឧបករណ៍ប្រើប្រាស់។
នគរបាលស្រុកសំពៅលូន បានឲ្យដឹងថា ពីថ្ងៃទី ១៤ ខែ ឧសភា ឆ្នាំ ២០១៩ អនុវត្តតាមបទបញ្ជារបស់លោក ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ព្រមទាំងមតិណែនាំរបស់លោកឧត្តមសេនីយ៍ត្រី កុយ ហៀង ស្នងការរងទទួលផែនការងារប្រឆាំងគ្រឿងញៀននៃស្នងការដ្ឋាន កម្លាំងនគរបាលនៃអធិការដ្ឋាននគរបាលស្រុកសំពៅលូន ដែលមានលោកវរសេនីយ៍ឯក ពេជ្រសារ៉ែន ជាអធិការនគរបាលស្រុកបានដឹកនាំបង្គ្រាប ករណីរក្សាទុកដោយខុសច្បាប់ នូវសារធាតុញៀន១ករណី នៅចំណុចក្រុមទី៥ភូមិចំបក់ ឃុំជ្រៃសីមា ស្រុកសំពៅលូន ខេត្តបាត់ ដំបង ដោយធ្វើការឃាត់ខ្លួនបានជនសង្ស័យ ចំនួន១នាក់គឺ ឈ្មោះ សាន់ គឹមណៃ ភេទប្រុស អាយុ ៤៣ឆ្នាំ មានទីលំនៅភូមិស្រឡៅជ្រុំ ឃុំសិរីមានជ័យ ស្រុកសំពៅលូន ខេត្តបាត់ដំបង ដោយកងកម្លាំងនគរបាលធ្វេីការចាប់យកនូវវត្ថុតាងរួមមាន ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន ៣ កូនថង់ ទម្ងន់ ៨,៩២ក្រាម ថ្នាំញៀនប្រភេទមេតំហ្វេតាមី(យ៉ាម៉ាWY )ចំនួន ១៦៨គ្រាប់ ទម្ងន់ ១៤,៦៤ក្រាម ម៉ូតូហុងដាឌ្រីមសង់ព៌ណខ្មៅចំនួន១គ្រឿង និងទូរស័ព្ទដៃចំនួន ៣គ្រឿង។
ចំណែកនគរបាលស្រុកសំឡូតបង្ក្រាបករណីគ្រឿងញៀនចំនួន១ករណីឃាត់ខ្លួនជនសង្ស័យចំនួន២នាក់និងដកហូតវត្ថុតាងមួយចំនួន កាលពីថ្ងៃទី ១៤ ខែ ឧសភា ឆ្នាំ ២០១៩ អនុវត្តតាមបទបញ្ជារបស់លោក ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ព្រមទាំងមតិណែនាំរបស់លោកឧត្តមសេនីយ៍ត្រី កុយ ហៀង ស្នងការរងទទួលផែនការងារប្រឆាំងគ្រឿងញៀននៃស្នងការដ្ឋាន កម្លាំងនគរបាលនៃអធិការដ្ឋាននគរបាលស្រុកសំឡូត ដែលមានលោកវរសេនីយ៍ឯក កោ ស៊ុនកាំង ជាអធិការនគរបាលស្រុកបានដឹកនាំបង្គ្រាប ករណីរក្សាទុក ដឹកជញ្ជូន ឬជួញដូរដោយខុសច្បាប់ នូវសារធាតុ ញៀន ១ករណី នៅចំណុចក្រុមទី៤ភូមិកញ្ចាំង ឃុំស៊ុង ស្រុកសំឡូត ខេត្តបាត់ ដំបង ដោយធ្វើការឃាត់ខ្លួនបានជនសង្ស័យ ចំនួន២នាក់គឺ ឈ្មោះ ឆាយ វីរ៉ា ហៅស៊ឹ ភេទប្រុស អាយុ ២៥ ឆ្នាំ មានទីលំនៅភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបង និងឈ្មោះ យឹម ហេង ហៅចែ ភេទប្រុស អាយុ ៣១ឆ្នាំ មានទីលំនៅភូមិគោកអំពិល ឃុំ្នភ្នំសំពៅស្រុកបាណន់ ខេត្តបាត់ដំបង ដោយកម្លាំងនគរបាល ធ្វេីការចាប់យកនូវវត្ថុតាងរួមមាន ថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន ១កូនថង់ ទម្ងន់ ២៦,០២ក្រាម ម៉ូតូហុងដាឃ្លីកព៌ណខ្មៅចំនួន១គ្រឿង ទូរស័ព្ទដៃចំនួន ១គ្រឿង។
ករណីនេះ កាលពីថ្ងៃទី ១៥ ខែឧសភា កម្លាំងនគរបាលជំនាញ បានកសាងសំណុំរឿង បញ្ចូនទៅសាលាដំបូងខេត្តបាត់ដំបងចាត់ការតាមនិតិវិធីច្បាប់ ៕ ដោយ៖កូឡាប
