ខេត្តស្វាយរៀង ៖ លោកនាយឧត្តមសេនីយ៍មុឹង សំផន រដ្ឋលេខាធិការក្រសួងការពារជា និងជាប្រធានក្រុមការងារថ្នាក់ជាតិចុះជួយក្រុងបាវិត និងស្រុកចន្ទ្រាខេត្តស្វាយរៀង និងលោកស្រីព្រមទាំងក្រុមការងារនៅរសៀលថ្ងៃទី១៦ ខែឧសភា ឆ្នាំ២០១៩ បាននាំអំណោយរបស់សម្តេចតេហ៊ុន សែននិងសម្តេចកិត្តិព្រឹទ្ធបណ្ឌិតប៊ុន រ៉ានីហ៊ុនសែនប្រគល់ជូនអនុសាខាកាកបាទក្រហមកម្ពុជាក្រុងបាវិតសម្រាប់ដោះស្រាយទុក្ខលំបាកជូនពលរដ្ឋដូចជាបញ្ហាគ្រោះធម្មជាតិផ្សេងៗផងដែរ។
លោកនាយឧត្តមសេនីយ៍មុឹង សំផន បានថ្លែងនូវការផ្តាំផ្ញើរសាកសួរសុខទុកពីសំណាក់សម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ប្រធានកាកបាទក្រហមកម្ពុជាដែលជានិច្ចកាលតែងតែនឹករលឹកដល់បងប្អូនប្រជាពលរដ្ឋគ្រប់ទីកន្លែងទីណាមានទុកលំបាកទីនោះពិតជាមានកាកបាទក្រហមកម្ពុជាចុះជួយទាន់ពេល។
លោកនាយឧត្តមសេនីយ៍បានបន្តថាកាកបាទក្រហមកម្ពុជា បានដោះស្រាយ រាល់បញ្ហាប្រឈមទាំងឡាយរបស់ប្រជាជន ក្នុងអត្ថន័យ បាវចនា សង្គ្រោះជីវិត ផ្លាស់ប្តូរផ្នត់គំនិត (ធ្វើឱ្យបានកាន់តែច្រើនជាងមុន ធ្វើឲ្យបានកាន់តែល្អជាងមុន ធ្វើឲ្យបានកាន់តែស៊ីជម្រៅ និងទៅឲ្យបានកាន់តែឆ្ងាយជាងមុន) ដោយឈរលើគោលការណ៍គ្រឹះទាំង៧របស់ចលនា ក្នុងគ្រប់កាលៈទេសៈ តាមទិសស្លោក “ទីណាមានទុក្ខលំបាក ទីនោះមានកាកបាទក្រហមកម្ពុជា” “រួមកម្លាំងគ្នាដើម្បីមនុស្សធម៌” “វប្បធម៌ចែករំលែកចាប់ផ្តើមពីខ្ញុំ “រួមគ្នាអនុវត្ត” “ថ្ងៃនេះថ្ងៃស្អែកគ្មានគ្រោះថ្នាក់ចរាចរណ៍ គ្មានគ្រោះអគ្គីភ័យ” “ការលើកកម្ពស់សុខភាពស្ត្រី ទារក និងកុមារ គឺជាគន្លឹះដ៏សំខាន់ក្នុងការអភិវឌ្ឍប្រកបដោយចីរភាព” ។
លោកក៏បានផ្តាំផ្ញើដល់អាជ្ញាធរក្រុងបាវិតពិសេសថ្នាក់ដឹកនាំ អនុសាខា ត្រូវយកចិត្តទុកដាក់ជាប្រចាំតាមដានសភាពការណ៍ដែលបានកើតឡើង ជាពិសេសករណីគ្រោះមហន្តរាយផ្សេងៗ ដែលប្រជាពលរដ្ឋរស់នៅតាមសហគមន៍មូលដ្ឋានរបស់ខ្លួន ដើម្បីឆ្លើយតប និងដោះស្រាយឱ្យបានទាន់ពេលវេលា ស្របតាមប្រធានបទដែលបានលើកឡើង “កាកបាទក្រហមកម្ពុជា មានគ្រប់ទីកន្លែងសម្រាប់គ្រប់ៗគ្នា មិនទុកនរណាម្នាក់ចោល” ។អំណោយរបស់សម្តេចតេជោហ៊ុន សែននិងសម្តេចកិត្តិព្រឹទ្ធបណ្ឌិតប៊ុន រ៉ានីប្រគល់ជូនអនុសាខាកាកបាទក្រហមក្រុងបាវិតរួមមានអង្ករ១០តោនមី១០០កេសទឹកត្រីទឹកសុីអុីវ២០០យូរ សរុបថវិការទាំងអស់១៧០០០ដុល្លា៕ វ៉ៃកូ